Бүх нийтийн бэлэн байдлын зэрэгт шилжүүлсэн хугацааг 14 хоногоор сунгасантай холбогдуулан хотод гацсан орон нутгийн иргэдийг гаргахаар төлөвлөж байгаа талаар УИХ дахь МАН-ын бүлгийн дарга Д.Тогтохсүрэн цахим хуудастаа мэдээлсэн билээ. Тэрбээр "Орон нутгаас Улаанбаатарт ирж, гацсан иргэдийн анхааралд: Монгол Улсын Засгийн газраас хөл хорио дахин 14 хоног сунгах шийлвэр гарсан. Нөхцөл байдал хүндрэхгүй бол дээрх иргэдийг 11-р сарын 18-аас эхлэн тусгай, нарийн дэглэмийн хүрээнд нэг удаа гаргах ажлыг зохион байнуулахаар болж байна. Иймд иргэн бүр хаа хаанаа хүлээцтэй тайван байж, аюулт тахлыг даван гарцагаая" хэмээн мэдээлсэн билээ.

Тэгвэл дөнгөж сая Улсын Онцгой комиссоос мэдээлэл хийж, "Хотод гацсан иргэдийг нутаг буцаах асуудал яригдаагүй. Батлагдсан тохиолдлуудын нэгдүгээр болон дам хавьтлын шинжилгээ бүрэн хийгдэж дуустал ямар ч хөдөлгөөн хийгдэхгүй. 21 аймаг болон нийслэл хотод орох, гарах хөдөлгөөнийг бүрэн хаасан. Онцгой нөхцөл байдлын үед худал мэдээлэл тарааж, олон нийтийг төөрөгдүүлэхгүй байхыг хүсч байна" хэмээн түүнийг дээрх мэдээллийг үгүйсгэв. Харин олон нийт түүний энэ үйлдлийг улс төрчид цар тахлын үед ч худал мэдээлэл түгээж, иргэдээс хандалт авахыг хүсч байгаа нь зохимжгүй асуудал. Төрийн түшээ хүнд байж болохгүй зан чанар гэдгийг хэлж, шүүмжилж байгаа юм. 

Б.Баатар