УОК-т цугларсан хандивын хөрөнгөөс цар тахлын эсрэг нэг удаагийн хуулиар олгогдох заалтын дагуу Гадаад харилцааны сайдаас УОК-ын даргад хүсэлт хүргүүлсэн. Энэ дагуу 300 сая төгрөгийг шийдвэрлэсэн билээ. Тэгвэл уг мөнгийг хэрхэн зарцуулсан талаар доор танилцуулъя.

Тодруулбал, \Дүрмийн 4.3.1, хилийн чанадад нас барсан иргэний гэр бүл нь түүний шарилыг эх оронд нь буцаах зардалгүй, эсхүл гэр бүл, төрөл садан нь тогтоогдоогүй тохиолдолд түүний шарилыг чандарлах, хадгалах, шарил болон чандрыг эх оронд нь буцаах, тухайн улсад нутаглуулах гэсэн заалтыг үндэслэн\

• БНТУ-д ажиллаж, амьдарч байгаад энэ оны аравдугаар сарын 19-нд өвчний улмаас өөд болсон Чулуун оовогтой Батбаярын шарилыг эх оронд нь авч ирэх зардлын тодорхой хэсэгт 4.702.500 төгрөг,
• Австралийн Мелбурн хотод энэ оны аравдугаарр сарын 20-ны өдөр нас барсан Майдар овогтой Мандхайн шарилыг чандарлаж, эх оронд нь авч ирэх зардлын тодорхой хэсэгт 4.419.700 төгрөг,

\Дүрмийн 4.3.2 заалт, хилийн чанадад байгалийн онц аултай гамшиг, алан хядах ажиллагаа, зэвсэгт мөргөлдөөнд өртсөн эсхүл осол, гэмт хэргийн улмаас хүнд гэмтэл авсан, сэтгэцийн өвчтэй болсон, амь насанд нь аюул учирсан иргэнд эмнэлгийн тусламж үйлчилгээ үзүүлэх, эх орон нь буцаах гэснийг үндэслэн\

• 2020 оны нэгдүгээр сарын 21-нд Унгарт ажлын гэрээгээр явж, тавдугаар сарын 9-нд ажлын байран дээрх ослын улмаас нуруу нь хугарч, биеийн доод хээсг мэдрэлгүй болсон Ганхуяг овогтой Бямбаад дэмжлэг үзүүлэхэд зориулж 4 сая төгрөг,
• Хилийн чанадаас ОУШХБ-ын зардлаар ирсэн 98 иргэний тусгаарлах байрны зардалд зориулж 78.5 сая төгрөг,
• Коронавируст халдварын улмаас АНУ-д гацаж нутаг буцаж ирсэн өндөр настан Төмөр овогт Жамъяаны \69 настай\ нутаг буцах зардалд зориулж 3.840.500 төгрөг,
• Коронавируст халдварын улмаас Турк улсад очоод гацаж нутаг буцаж ирсэн Нарантуяа овогтой Батчимэг, түүний хүү Болдбааатар овогтой Анарын тусгаарлах байрны төлбөрт зориулж 1.7 сая төгрөг,
• Коронавируст халдварын улмаас БНСУ-д очоод гацаж нутаг буцаж ирсэн Дашсүрэн овогтой Норовын тусгаарлах байрны төлбөр 1.060.0 төгрөг,
• Коронавируст халдварын улмаас Турк улсад очоод гацаж нутаг буцаж ирсэн Аюур овогтой Оюуны тусгаарлах байрны төлбөр 1.060.0 төгрөг,
• Коронавируст халдварын улмаас БНСУ-д очоод гацаж нутаг буцаж ирсэн Хоролдамба овогтой Ариунгэрлийн тусгаарлах байрны төлбөр 1.060.0 төгрөг,
• ОХУ-ын Эрүүгийн хуулиар 158\2 буу хулгайн хэргээр 1.2 жилийн ял биеэр эдэлж 2020 оны есдүгээр сарын 22-нд суллагдсан Ганболд овогтой Ууганбаатарын тусгаарлах байрны төлбөр 1.060.0 төгрөг,
• Коронавируст халдварын улмаас Япон улсад очоод гацаж нутаг буцаж ирсэн Баяраа овогтой Баяржаргалын тусгаарлах байрны төлбөр 1.060.0 төгрөг,
• Истанбул- Улаанбаатарын тусгай үүргийн нислэгээр ирсэн иргэн Дэлгэрмаа овогтой Нарангаравын онгоцны тийзний зөрүү төлбөр 379.500 төгрөг,
• БГТУ-д  2020 оны аравдугаар сарын 25-нд нас барсан ра овогтой Лувсанжамбаагийн шарилыг Монголд авч ирэх зардлын тодорхой хэсэг 4.702.500 төгрөг,
• АНУ-д зуурдаар нас барсан Даваасан овогтой Мөнгөнсүхийн шарилыг чандарлах зардлын тодорхой хэсэг 5 сая төгрөг,
• Их Британид очоод коронавируст халдварын улмаас нутаг уцаж чадахгүй гацсан Данзан овогтой Туяа, Энхболд овогтой Золзаяа, Энхболд овогтой Булган, Ууганбаяр овогтой Дэлгэрмаагийн тусгаарлах байрны зардал 3.820.0 мянган төгрөг.

Гадаадад гацсан нэн шаардлагатай байгаа иргэдэд туслахаар 300 сая төгрөгийг шийдвэрлүүлсэн. Үүнээс 117 сая 424.700 төгрөгийг зарцуулсан талаар салбарын сайд тайлагнажээ. Өөрөөр хэлбэл, үлдэгдэл 182 сая 575.300 төгрөг бий гэсэн үг. Энэ мөнгийг ч ялгаагүй зориулалтаар нь зарцуулъя. Дэлхий нийтэд эдийн засаг хүндэрсэн, ажилгүйдэл, өлсгөлөн газар авч байгаа энэ үед тусламж нэн шаардлагатай байгаа, нөхцөл байдал нь хүндэрсэн иргэддээ туслая, сайд аа.

А.Сүх