Засгийн газрын өнөөдрийн хуралдаанаар Бүх нийтийн бэлэн байдлын зэрэгт хэрэгжүүлэх 23 арга хэмжээг шийдвэрлэжээ.

Тодруулбал, өнгөрөгч тавдугаар сард Коронавируст халдвар /COVID-19/-ын цар тахлын үед төсвийн зохицуулалт хийх зарим арга хэмжээний тухай, Коронавируст халдвар /COVID-19/-ын цар тахлын үед эдийн засгийг сэргээх, эмзэг бүлгийн нийгмийн хамгааллыг сайжруулах II багц арга хэмжээний тухай тогтоол баталсан. Энэ хүрээнд 0-18 насны хүүхэд бүрт 10 дугаар сар хүртэл 100 мянган төгрөг олгох, хүнсний талоныг эмзэг бүлгийн 112 мянган хүнд олгодог. Тэд сар бүр 16 мянган төгрөгийн хүнсний талон авдаг байсан бол 32 мянган төгрөг болгон өсгөх, 3000 ахмадад сард 100 мянган төгрөг нэмж олгох, хөгжлийн бэрхшээлтэй болон одой иргэдэд сар бүр 100 мянган төгрөг нэмж олгосноор 288 мянган төгрөг, өнчин хүүхдүүд мөн сар бүр 288 мянган төгрөг авахаар зохицуулсан. 

Уг арга хэмжээ ирэх оны долдугаар сар хүртэл үргэлжлэхээр боллоо.

А.Сүх