Засгийн газрын мэдээллийн дараа Ерөнхий сайд У.Хүрэлсүх "Хэрэв нөхцөл байдал хүндэрвэл бүх нийтийн бэлэн байдлыг үргэлжлүүлнэ.

Бүр онц байдал зарлахыг ч үгүйсгэхгүй.

Онц байдлыг Ерөнхийлөгч зарладаг. Зэвсэгт хүчин ашигладаг юм. Тэг зогсолт хийдэг. Ийм байдалд хүрэхгүйн тулд энэ 14 хоногт хичээх хэрэгтэй.
Асуудалд эерэгээр хандаж, Монгол хүний уужуу ухаанаар хандаж чадвал үндэстнээрээ аврагдана. Засгийн газрын гаргаж байгаа шийдвэр хүн бүрд таалагдар аргагүй. Гэхдээ бүх нийтийн эрх ашгийн төлөө хийхээс өөр аргагүй.
 

Бидний өмнө үхэх үү, сэхэх үү гэсэн л зам байна. Бид амьдрах ёстой. Бүтэн жил тэсэх ёстой. Энэ бол дайны нөхцөл байдал. Үүнийг ойлгох хэрэгтэй.

Бүх хүмүүст мөнгө өгч чадахгүй. Тийм баян улс биш. Байсан бол ядуу зүдүү иргэддээ өгчих юмсан. Өндөр хөгжилтэй орнууд ч туйлдаж байгаа" гэлээ.

Б.Лхам