УИХ-ын ээлжит чуулганаар цар тахлын үед хэрэгжүүлж буй бэлэн байлын арга хэмжээний талаар УОК гишүүдэд танилцуулж байна. Энэ үеэр гишүүд хүнсний нөөц хэр байгаа талаар салбарын сайдаас тодруулсан юм.

ХХААХҮ-ийн сайд З.Мэндсайхан “Өнөөдрийн байдлаар мах 11 мянга 690 тонн буюу 40 хоногийн нөөцтэй. Гурил, гурилан бүтээгдэхүүн 166 хоног, төрөл бүрийн будаа 57 хоног, хуурай сүү 30 хоног, өндөг богино хугацаанд хадгалдаг хүнс учир хоёр хоног, ргамлын тос 22 хоног, төмс 316 хоног, хүнсний ногоо 62 хоног, элсэн чихэр 60 хоног, давс 33 хоногийн нөөцтэй байна.

Хүндрэлийг даваад гарах хэмжээний нөөцийг хангалттай бүрдүүлсэн. Засгийн газар, УОК гол нэрийн хүнсний бүтээгдэхүүнийг бүх төрлийн будаа, ургамлын тосыг гааль, НӨАТ-аас чөлөөлөх, өвөлжилтийн бэлтгэл хангах хүрээнд малын тэжээл ургамлын  тосны түүхий эдийг импортын гаалийн татвараас чөлөөлөх, дотооддоо бий болсон энэ төрлийн бүтээгдэхүүнийг  гааль НӨАТ   чөлөөлөх хуулийн төслийг УИХ-д өргөн барихаар болсон тул энэ талд тайван байж болно” гэлээ.

А.Сүх