УИХ-ын ээлжит цахим чуулганаар цар тахлын эсрэг авч хэрэгжүүлж буй хариу арга хэмжээний талаар сонсож байна. Энэ үеэр гишүүд сонирхсон асуултдаа хариулт авсныг онцлон хүргэе. 

Л.Энх-Амгалан: ЭМДС-ийн үлдэгдэл 500 гаруй сая төгрөг байна гэсэн. Энэ мөнгийг одоо л ашиглах хэрэгтэй. Эрсдэлийн сан байгуулаад 50-60 тэрбум төгрөг зарцуулах эрх өгмөөр байна. Энэ мөнгөөр вакцин авч болно. Дэлхийн банкыг хүлээмээргүй байна.

Хоёрдугаарт, иргэдээ цар тахлаас хамгийн сайн хамгаалж байгаа улс байна. Герман, Тайвань зэрэг улсыг нэрлэж болно. ДЭМБ-аас гараа угаа, маскаа зүү, хүн хоорондын зайгаа барь гэсэн ззөвлөмж өгч байна. Гэтэл иргэдийн зүгээс талхаа авах уу, маскаа авах уу гэдэг нөхцөл байдал тулж ирээд байна. Тиймээс эмзэг бүлгийн иргэддээ маскыг нь өгье.

Ч.Хүрэлбаатар: Дэлхийн банкнаас вакцины санхүүжилтийг хүсэн. Дэлхийн хөгжиж байгаа ядуу буурай орнуудад зориулан вакцин түрүүлж авах цорын хөтөлбөр гаргасан. Үүнийг санаачилсан дөрвөн байгууллагын нэг нь Дэлхийн банк. Вакциныг хэн мөнгөө төлсөн нь л түрүүлж авна. Том, өндөр хөгжилтэй орнууд аль хэдийн захиалчихсан байгаа. Хөгжиж байгаа орнууд олж авах хүндрэлтэй учраас замыг нь дөтлөх үүднээс хүсэлт тавьсан юм.

Ингэхдээ хүн амын 60 хувийг вакцинжуулна. Эхний 20 хувийг ковид-той нүүр тулж байгаа эрүүл мэндийн салбарын ажиллагсдад хийнэ. Тэгвэл үлдсэн 40 хувийг нь яах юм гэсэн асуудал гарна. Одоогоор хүүхдүүдэд хийхгүй. Мөнгөндөө гол асуудал нь биш. Бид өөрсдөө ч гаргасан болно. Хамгийн гол нь богино хугацаанд вакцин олж авах зорилготой. 

Б.Лхам