УИХ-ын гишүүн С.Бямбацогт чуулганы цахим хуралдаанд "Оюутнуудаас шинжилгээ авч эхнээс нь аймаг, орон нутагт дахь гэр рүү нь явуулсан нь дээр. Арванхоёрдугаар сарын 1-нийг хүртэл тэднийг хэдийгээр хоол ундаар хангасан ч хорьж, цагдаад байж болохгүй. Хатуу хөл хориог цаашид сунгахаар бол яах вэ. Энэ асуудлыг судалж үзээч" гэх хүсэлтийг Боловсролын сайд болоод УОК-т тавьсан билээ.

Үнэндээ өнөөдөр оюутны дотуур байруудад эмх цэгц гэж eр алга. Бужигнасан, шаагилдсан залуус байна гэдгийг олон хүн хэлж байгаа. Халдвар ариутгалын наад захын дэглэмийг сахихгүйгээс гадна өөрөө өрөөнд нь тусгаарлана гэдэг хүндрэлтэй байгааг сургуулийн удирдлагууд холбогдох газруудад нь дуулгасаар иржээ. Муугаар бодоход л халдвар гарлаа гэхэд тогтоон барих боломж хэцүү гэдэгтэй албаныхан санал нийлж байгаа ч өнөөдрийг хүртэл тодорхой шийдэлгүй байлаа.

Өнөөдрийн байдлаар Сүхбаатар дүүргийн 8 хороо Дашчойлон хийдийн хажуугийн оюутны нэгдүгээр байрны 288, Баянзүрх дүүргийн 2 хороо хуучнаар КТМС-ийн оюутны гуравдугаар байрны 272, мөн дүүргийн 5 хороо МХТС-ийн оюутны дөрөвдүгээр байрны 208, Хан-уул дүүргийн 3 хороо МeХТС-ийн оюутны тавдугаар байрны 152 гээд нийслэлийн 920 оюутан, Дархан-уул аймаг дахь оюутны дотуур байрны 142 гээд нийт 12 мянган оюутан дотуур байрандаа "түгжигдээд" байгаа аж.

Харин өнөөдрөөс эдгээр оюутныг эхнээс нь шинжилгээнд хамруулж эхэлжээ. Цаашлаад аймаг, орон нутаг руу нь хүргэх ажлыг шат дараатайгаар хийхээр төлөвлөсөн байна.

У.Тэргэл