Европын клубуудын хөлбөмбөгийн 2024-25 оны улирлын хамгийн чухал тоглолт болох Аваргуудын Лигийн финал 5-р сарын 31-нд Мюнхен хотноо болно. 1xBet Монголоос энэхүү түүхэн тоглолтын өмнөх тойм, хүлээлт, чухал тоглогчдыг танилцуулж байна.
Сүүлийн жилүүдэд Европын хөлбөмбөгийн топ багуудын тоонд зүй ёсоор багтах болсон Парис Сен-Жермен энэ улиралд дахин нэг түүхэн боломжийн өмнө ирээд байна. Клубын удирдлага Испани дасгалжуулагч Луис Энрикийг томилсоноор бодлогоо эрс өөрчилж, сүүлийн хоёр жилд супер оддыг авчрахын оронд амбицтай, залуу тоглогчдыг сонгон хөгжүүлэх стратегид шилжсэн. Энэхүү шинэ арга барил богино хугацаанд үр дүнгээ өгч, тус баг 2020 оноос хойш анх удаа, түүхэндээ хоёр дахь удаагаа Аваргуудын Лигийн финалд шалгарлаа.
Эхний таван тоглолтод ердөө 4 оноо авч маш муу амжилттай байсан ч 7 дахь тоглолтод Манчестер Ситигийн эсрэг 0-2-оос 4-2 болгож эргэн ирэлт хийж хожсон нь Парис Сен-Жермений шинэ дүр төрхийн эхлэл байв. Плейофф шатанд тэд Брестийг ялж, дараа нь Английн гурван баг болох Ливерпүүл, Астон Вилла, Арсеналыг дараалан хожиж, финалын шатанд хүрсэн.
Хувийн түвшинд авч үзвэл Осман Дембелегийн огцом ахиц хөгжил хамгийн онцлох жишээ юм. Өмнө нь сахилга бат, тогтворгүй байдлаараа шүүмжлэл дагуулдаг байсан тэрбээр одоо 2025 оны “Ballon d’Or”-ын гол өрсөлдөгч болж, энэ улиралд 25 гоол оруулаад байна. Энэхүү амжилтын ард залуу бүрэлдэхүүнийг зөв зохион байгуулалтад оруулж буй Энрике дасгалжуулагчийн бодлого оршиж байгаа. Гэсэн ч олон улсын том финалд тоглож үзсэн туршлагатай тоглогчид уг бүрэлдэхүүнд цөөн. Зөвхөн Маркиньос, Доннарумма, Дембеле, Фабиан Руис, Люкас Эрнандес нар л олон улсын тэмцээний том шатанд өмнө нь оролцож байсан. Тэднээс зөвхөн Маркиньос л 2020 оны финалд Парис Сен-Жермений бүрэлдэхүүнд тоглож байжээ.
Харин Интер Милан энэ тэмцээний хамгийн ахмад бүрэлдэхүүнтэй баг бөгөөд туршлага, Италийн хөлбөмбөгийн уламжлалд суурилсан тоглолтоороо алдартай. 15 жилийн өмнө Диего Милито тэргүүтэй 30+ насны тоглогчид гурав дахь удаагаа Аваргуудын цомыг Миланд авчирч байв. Энэ удаагийн бүрэлдэхүүнд 2023 онд Манчестер Ситигийн эсрэг финалд тоглосон 9 тоглогч бий бөгөөд энэ нь тэдний тогтвортой, тууштай байдлыг харуулж байна.
Энэ улиралд Интерийн замнал өмнөхөөсөө илүү сэтгэл хөдөлгөм, онцгой байв. Хэсгийн шатанд ердөө нэг гоол алдсан тэд, плейоффт хүчирхэг Байерн ба Барселона багуудыг хасаж, багийн сэтгэлзүй, сүүлийн мөчид ч тоглолтыг эргүүлж чаддаг чанараа харуулсан. Дасгалжуулагч Симоне Инзаги зөвхөн хамгаалалтаар амжилт гаргах боломжгүйг ойлгож, довтолгоонд идэвхтэй анхаарч эхэлсэн. Тэр дундаа Лаутаро Мартинес, Маркус Тюрам нар бэртэлтэй ч маш сайн тоглож, хамгаалагчид болох Дензел Думфрис, Франческо Ачерби, Бенжамин Павар, Карлос Аугусто нар сүүлийн хоёр шатанд нийт 4 гоол, 5 гоолын дамжуулалт өгөөд байна.
Швейцар хаалгач Янн Зоммерийн супер хаалтууд ч багийн амжилтад чухал үүрэг гүйцэтгэсэн. Финалд Интер дахин хожих магадлал багатай хэмээн тооцогдож байгаа ч тэдэнд туршлага, зохион байгуулалт, тоглолтыг хүссэн үедээ эргүүлж чаддаг хат суусан зан чанар бий. Харин Парисын баг залуу, эрч хүчтэй, шинэ эринд хөл тавьсан амбицтай бүрэлдэхүүнтэй. Туршлага ба эрч хүчний халз тулаан Мюнхений талбайд өрнөх гэж байна.
2024-25 оны Аваргуудын Лигийн финалыг 1xBet Монголоос хамт үзэж, Европын аваргууд хэн болохыг хамтдаа мэдэцгээе.
