Монгол Улс коронавирусний халдварыг дотооддоо алдаж, гамшгийн бэлэн байдлын зэрэгт шилжиж, хатуу хөл хорио тогтоогоод байгаа билээ. Тиймээс төрийн ажил тасралтгүй явах зарчмын дагуу УИХ-ын чуулганы хуралдаан цахимаар явагдаж буй. УИХ-ын даргын дэргэдэх Зөвлөлийн гишүүд чуулганы нэгдсэн хуралдааныг ямар тэгээр, хэрхэн зохион байгуулах асуудлаар хуралдаж, 2020 оны хаврын чуулгантай адилаар хуралдааны таван танхимд гишүүдийг хуваарилан суулгаж хуралдах, мөн онлайнаар буюу гишүүд Төрийн ордонд ирэлгүйгээр байгаа газраасаа хуралдаанд оролцох гэсэн хоёр хувилбарын аль нэгийг сонгох нь зүйтэй гэж үзсэн юм. Харин гишүүдийн дийлэнх нь сүүлийн хувилбараар буюу байгаа газраасаа онлайнаар оролцож буй.

Гэтэл ард түмний итгэлийг хүлээж, төр түшилцэж буй эрхэм гишүүд "Нүглийн нүдийг гурлаар хуурах" боллоо. Тодотговол УИХ-ын гишүүн Ц.Мөнхцэцэг чуулганы цахим хуралдаанд оролцох үeэрээ олны нүдэн дээр виртуал зургаа үлдээгээд алга болсон. Энэ тухайгаа тэрбээр, байдаг л зүйл. Бага насны хүүхдүүдтэй учир тэр нөхдийг орж ирж үймүүлэхээс сэргийлэх хэрэгтэй байлаа. Бусад улсад энэ бол хэвийн зүйл гэж хээвнэг тайлбарласан байдаг.

Тэгвэл Ц.Мөнхцэцэг гишүүний "хууралт ажиллагаа"-г УИХ-ын гишүүн Б.Дэлгэрсайхан үргэлжлүүлэв. Тэрбээр чуулганы цахим хуралдаанд оролцохдоо найман цагийн турш виртуал зургаа үлдээн, иргэдийг хуурчээ. Эрхэм гишүүн энэ үйлдлээ хэрхэн зөвтгөж, тайлбарлах бол.

Энэ мэтээр виртуал зургаа үлдээж, ард түмнийг хуурдаг гишүүдэд арга хэмжээ авахгүй бол энэ байдал даамжирч газар авах нь гэдгийг УИХ-ын дарга Г.Занданшатар эрх биш мэдэрч буй за. 

Манай улсад коронавирусний халдвар нийслэлд төдийгүй орон нутагт бүртгэгдэж, хүн бүр чадах чинээгээрээ тэмцэж байгаа. Эрхэм гишүүний итгэл хүлээн сонгогдсон тойрог болох Дорноговь аймагт ч халдварын тохиолдол бүртгэгдэж, өдөр бүр нэмэгдэж байна. Угтаа энэ талаар дуугарч, ард түмнийхээ төлөө ажиллах учиртай гишүүн ийнхүү дүр эсгэж, "хууралт ажиллагаа"-г үргэжлүүлж байгаа нь туйлын харамсалтай. 

Ард түмнийг төлөөлөх учиртай гишүүдийн зүтгэл өдгөө энэ цагт л чухал шаардлагатай байна.

Б.Баатар