УИХ дахь МАН-ын бүлгийн ээлжит хуралдаан болж, Ерөнхийлөгчийн хоригийг хүлээж авах боломжгүй гэж үзжээ. Тодруулбал, намын бүлгийн хуралдаанаар 2021 оны төсөвт бүхэлд нь тавьсан Монгол Улсын Ерөнхийлөгчийн хоригийг хүлээж авах эсэхийг хэлэлцсэн байна. Улмаар гишүүдийн олонх нь ирэх оны төсөвт бүхэлд нь тавьсан Ерөнхийлөгчийн хоригийг хүлээж авах боломжгүй гэж үзсэн байна. 

Монгол Улсын Ерөнхийлөгч Х.Баттулга төсөвт тавьсан хоригтоо "Төсвийн нийт зардлыг 20 хувиар хэмнэж, хүндрэл бэрхшээлийг даван туулахад зориулсан эрсдэлийн сан байгуулах, өрх бүрд нэг сая төгрөгийн дэмжлэг үзүүлэх, төсвийн хэмнэлтээр бий болсон хөрөнгийн тодорхой хувийг коронавируст халдварын эсрэг вакцин худалдан авахад зарцуулж, иргэдийнхээ эрүүл мэндийг хамгаалах, үйлдвэр, аж ахуйн нэгж, бизнесийг дэмжсэн мастер төлөвлөгөө гаргах зэргийг дурдаад байсан юм. 

Б.Бат