Улс даяар коронавирусний халдварын тархалттай тэмцэж байгаатай зэрэгцэн аймаг, орон нутаг, нийслэлийн  Засаг дарга нар өвөлжилтийн бэлтгэл ажлыг хангах, цар тахлын дэглэмийг сахиулах, төсөв батлуулах гээд чухал олон ажлыг амжуулахаар ажиллаж буй.

Гэтэл өнөөдрийн байдлаар хэд хэдэн аймаг Засаг даргагүй байна. Сураглавал, Дундговь, Завхан аймгийн Засаг даргыг Ерөнхий сайд өнөө, маргаашгүй батламжилна гэсэн мэдээлэл бий бол харин Хөвсгөл аймгийн Засаг даргад нэр дэвшигчийн  нэрийг буцаажээ.

Хөвсгөл аймгийн ИТХ анхдугаар хуралдаанаараа Ш.Идэрбаясгаланг Засаг даргад дэмжиж, нэрийг нь батламжлуулахаар Ерөнхий сайд руу илгээсэн ч түүний нэрийг ямар шалтгаанаар буцаасан нь тодорхойгүй байна. Мөн ямар нэгэн тайлбар, үндэслэл дурдаагүй аж. 

Өнгөрсөн аравдугаар сард зохион байгуулсан нийслэл, орон нутгийн сонгуульд МАН 14 аймаг, найман дүүрэгт, харин АН долоон аймаг, ганц Сүхбаатар дүүрэгт л ялалт байгуулсан билээ.  Хөвсгөлд АН олонх болсон. Тиймээс тус намын эрхэм Засаг даргад нэрээ дэвшүүлснээс нэрийг нь батламжлахгүй байна. Энэ нь улс төрийн шалтгаантай хэмээн үзэгсэд олон байна.  

Өнөөдрийн байдлаар Хөвсгөл аймагт нөхцөл байдал хүндэрчээ. Хуучин удирдлагууд нь ажлаа орхиод явчихснаас цар тахлын хатуу хөл хорионы энэ үед “толгой”-гүй аймаг болоод байна. 

“Ковид-19”-ийн үеийн дэглэм тогтоох, иргэдээ эрсдэлээс сэргийлэх, халдвар хамгаалалтыг эрчимжүүлэх ажлыг аймгийн эрүүл мэндийн төв, онцгой байдлын албад хариуцан үйл ажиллагааны төлөвлөгөө гарган ажиллаж байгаа аж. Мөн өвөлжилтийн бэлтгэх хангахаас гадна төсөв батлуулах гээд шил шилээ дарсан олон ажил гацаанд оржээ. Энэ асуудлыг Засгийн газрын тэргүүн нэн даруй шийдвэрлэнэ гэдэгт найдъя.

Нийслэл, аймгийн Засаг дарга, ИТХ-ын дарга нарын нэрсийг хүргэе.

Дүүргийн Засаг дарга нар:

-Сүхбаатар дүүрэг Засаг дарга Х.Болормаа

-Хан-Уул дүүрэг Засаг дарга Ж.Алдаржавхлан

-Чингэлтэй дүүрэг Засаг дарга Н.Батсүмбэрэл

-Баянзүрх дүүрэг Засаг дарга Н.Баярмөнх

-Багахангай дүүрэг Засаг дарга С.Эрдэнэбаяр

-Багануур дүүрэг Засаг дарга С.Даваасүрэн

-Баянгол дүүрэг Засаг дарга Ө.Сумъяабаатар

-Сонгинохайрхан дүүрэг Засаг дарга Н.Алтаншагай

-Налайх дүүрэг Засаг дарга Ч.Раднаабазар

Аймгийн Засаг дарга нар:

-Хөвсгөл аймгийн Засаг даргад Ш.Идэрбаясгалангийн нэрийг буцаасан бол ИТХ дарга Г.Мөнгөнхуяг

-Хэнтий аймаг Засаг дарга Ц. Идэрбат, ИТХ дарга Г.Хэрлэнчулуун

-Өвөрхангай аймаг Засаг дарга А.Ишдорж, ИТХ дарга О.Пүрэвдорж

-Өмнөговь аймаг Засаг дарга Р.Сэддорж, ИТХ дарга Б.Бадраа

-Сүхбаатар аймаг Засаг дарга М.Идэрбат, ИТХ дарга Д.Хосбаяр

-Сэлэнгэ аймаг Засаг дарга Ш.Оргил, ИТХ дарга Б.Нарантуяа

-Төв аймаг Засаг дарга Д.Мөнхбаатар, ИТХ дарга Ц.Жамбалсүрэн

-Увс аймаг Засаг дарга Ч.Чимид, ИТХ дарга Ц.Батболд

-Ховд аймаг Засаг  дарга Б.Дүгэржав, ИТХ дарга Г.Пүрэвганди

-Дорноговь аймаг Засаг дарга О.Батжаргал, ИТХ дарга Б.Ганзориг

-Дорнод аймаг Засаг дарга М.Бадамсүрэн, ИТХ дарга М.Энхтөр

-Дундговь аймаг Засаг дарга Ц.Мөнхбат  түр хүлээгдэж байгаа, ИТХ дарга С.Од-Эрдэнэ

-Завхан аймаг Засаг дарга Д.Түвшинжаргал мөн хүлээгдэж байгаа, ИТХ дарга Ц.Улам-Оргих

- Орхон аймаг Засаг дарга С.Батжаргал, ИТХ дарга Д.Мөнхбат

-Архангай аймаг Засаг дарга Д.Золжаргал, ИТХ дарга Б.Батжаргал

-Баян-Өлгий Засаг дарга Д.Бауыржан, ИТХ дарга Н.Бейбитхан

-Баянхонгор аймаг Засаг дарга Д.Мөнхсайхан, ИТХ дарга Э.Энхбат

-Булган аймаг Засаг дарга Б.Ариун-Эрдэнэ, ИТХ дарга Д.Эрдэнэбат

-Говь-Алтай аймаг Засаг дарга О.Амгаланбаатар, ИТХ дарга Д.Даваадорж

-Говьсүмбэр аймаг Засаг дарга Г.Батзам, ИТХ дарга Ш.Билэггүмбэрэл

-Дархан-Уул аймаг Засаг дарга Б.Азжаргал, ИТХ дарга С.Насанбат нар ажил, үүрэгтээ ороод байгаа юм.