УИХ-ын үдээс хойшхи чуулганаар Цар тахлын үед авч хэрэгжүүлэх арга хэмжээний талаар Засгийн газар чиглэл өгөх тогтоолын төслийг хэлэлцэж байна. Энэ үеэр гишүүд үг хэлж, асуулт асуулаа.

Д.Пүрэвдорж: Ковид-ын хуульд Засгийн газраас авч хэрэгжүүлэх арга хэмжээний хүрээнд тодорхой заалт бий. 7.1.2-т цар тахлын үед иргэдийн орлого, ажлын байрыг хамгаалах нэг үүргээ Засгийн газар хэрэгжүүлмээр байна.

Ховд аймгийн Хөшөөтийн уурхайн “Мон Эн Ко” компани бүх тээвэр хийдэг 26 компанийнхаа гэрээг цуцлаад, дахин хийхдээ энэ үнээр хийвэл хийнэ. Хийхгүй бол хийхгүй гээд 14-г нь хаячихсэн. Үүний цаана 3300 гаруй иргэн хохирчихоод байна.

Страгегийн ордоос хулгай хийж авч үлдсэн ордоо зөвхөн өөрсдийнхөө орлого болгож ашигладаг даварсан компани гарч ирчихээд байна.

Энэ компанийн гэрээ арванхоёрдугаар сарын 31-нд дуусна. Тиймээс Ховд аймгийн Онцгой комиссын дарга Б.Дүгэржав анхаарал авахгүй бол жолооч нартайгаа очиж тэмцэнэ шүү гэж хэлье.

Энэ компани дандаа Монголчуудыг хооронд нь хагаралдуулдаг, заримыг нь худалдаж авдаг. Хэрэв арга хэмжээ авахгүй бол би өөрийн аргаар үзнэ. Энэ уурхай социализмын үед улсын хөрөнгөөр нөцөө тогтоолгосон стратегийн ордонд орох бүрэн боломжтой. Тиймээс Хөшөөтийн уурхайг стратегийн ордод бүртгэх хуулийн төсөл санаачлан өргөн барина. Монголчуудыг хагалдаг нөхдүүдэд хатуу арга хэмжээ авна.  

Б.Лхам