УИХ-ын үдээс хойшхи чуулганаар Цар тахлын үед авч хэрэгжүүлэх арга хэмжээний талаар Засгийн газар чиглэл өгөх тогтоолын төслийг хэлэлцэж байна. Энэ үеэр гишүүд үг хэлж, асуулт асуулаа.

С.Ганбаатар: МАН-ын эрх баригчид халдварын үед ямар хариуцлагагүй, арчаагүй ажиллаж байгааг онцолж хэлье. Тогтоолд оруулах гэж дөрвөн саналыг маш их ярьсан. Орлогогүй байгаа 770 мянган хувиараа хөдөлмөр эрхлэгч, 60 мянган бизнес эрхлэгч золиослогдож байна.

Зээлийн хүүг тэглэх ёстой. Цахилгаан дулааныг төр хариуцах ёстой гэсэн санал тавьсан. Гэтэл хувийн хэвшлийнхнээ золиосолж утгагүй тогтоол гаргах гэж байна. арга замыг нь ярьсан шүү дээ. олон соёлын төвүүдээ танаад өгөөч. Нийгмийн даатгалын шимтгэлээ тэглэхэд Оюутолгой, Тавантолгойгоо ашиглая гэсэн. Та нар таг дуугүй л байсан.

Шатыг дээрээс шүүрддэг юм. Өнөөдөр УИХ-ын гишүүн, сайдууд нь ашиг сонирхлын зөрчилтэй болсон учраас дуугүй байна гэж харахаар байна.

Та нар банкуудын халаасанд орсон байна. Оюутолгойтой ашиг сонирхлын зөрчилтэй юм байна.

Эв зүйгээр, гаргалгаатай ярих гэж зургаан сар боллоо. Засгийн газар нь ашиг сонирхлын зөрчилтэй байна. Оюутолгойд бараа бүтээгдэхүүн шахдаг сайд, дарга нарыг шалгуулах ёстой.

Өнөөдөр том компаниудад л ашигтай шийдвэр гаргаад байна. Энэ асуудал дээр та бүхэн хариуцлагагүй загнаж байна. Төрөөс эдийн засгийг зохицуулна гэсэн заалтыг зөрчиж хувийн хэвшлийн олон мянган хүнийг золиосолж байна. Сүүлдээ залуу гишүүдээрээ хамгаалагч болгодог юм уу хайшай юм.

Л.Энх-Амгалан: Та өөрөө ажлын хэсэг дээр байгаа. Зарчмын зөрүүтэй санал гаргах бүрэн эрхтэй. Та гишүүнийхээ ажлыг хийх ёстой. Хуралдаа суух ёстой. Алсаас бүх юмыг баллуурдаад байж болохгүй. Яриад байгаа юмнуудаа хууль болговол яасан юм.

Б.Лхам