УИХ-ын ээлжит чуулган Ерөнхийлөгчийн 2021 оны Төсвийн тухай хууль болон дагалдан батлагддсан хуульд бүхэлд нь тавьсан хоригийг хэлэлцэж байна. Энэ үеэр гишүүд үг хэж, асуулт асуусныг онцлон хүргэе.

Ц.Даваасүрэн: Төсийн хориг дээр эсрэг байр суурьтай байна. Бидэнд цар тахлаас шалтгаалан нэг бол бизнесээ авч явах. Нөгөө нь зогсоох гэсэн хоёр л сонголт байна. Улс орон эдийн засгаа ялангуяа бизнесийн салбараа зоргсоох асуудал яривал дараа нь маш гүнзгий хямралд өртөж болзошгүй. Тэр тусмаа төсвийн алдагдал ихтэй. Түүнийгээ зээлээр санхүүжүүлж яваа улсын хувьд өрийн дефолтод орох, гадаад өрөө төлж чадахгүй болох нөхцөл байдал үүснэ.

Харин сүүлийн үед сонсогдож байгаа сайн мэдээ нь экспортын чиглэлийн үйлдвэрүүдээ явуулъя гэсэн ийм арга хэмжээнүүдийг авч эхэлсэн байна лээ.

Энэ өвчин бүх хүн тусахаараа амь насыг нь аваад явчихдаг зүйл биш ээ. Тиймээс дархлаа сайтай залуучуудаа хөдөлмөр эрхлэх боломжийг нь олгох хэрэгтэй.

Эрсдэлд өртөж болзошгүй ахмад настнуудаа дэглэмийг нь сайн сахиулъя. Амны хаалт бол вакцины дараа орох хамгаалалт мөн. Мөнгө тараана гэдэг чинь орлогогүй иргэдийг улам хүнд байдалд оруулна.

Б.Лхам