УИХ-ын ээлжит чуулган Ерөнхийлөгчийн 2021 оны Төсвийн тухай хууль болон дагалдан батлагдсан хуульд бүхэлд нь тавьсан хоригийг хэлэлцэж байна.

С.Ганбаатар: Ерөнхийлөгчийн хоригийг хүлээж аваач. УИХ төсөв баталдаг. Бас л тодорхой ашиг соирхолтой. Ерөнхийлөгч улстөржүүлээд байна гээд байна. Гэтэл Ерөнхийлөгч төсөв баталдаггүй, хэрэгжүүлдэггүй учраас засаж сайжруулаач гэж хэлэх улс төрийн шинжлэх ухааных нь гарц гаргаа нь байдаг.

Ерөнхийлөгчийн хоригийн талаар Ө.Шижир даргаас асууя. Төсвийн хоригийг хэлэлцэж байхад Засгийн газраас тооцоо судалгаа, үндэслэлээ гаргаж тавьсан уу.

Ө.Шижир: Ерөнхийлөгч цар тахлын үед улстөр хийх ёс зүйгүй хүн биш. Улсын төсвийн орлого бүрдэхгүй бол яах вэ гэдэг нь нэгдүгээр асуудал. Би буруу уншаагүй бол сүүлийн гурав, дөрвөн жил уул уурхайн баялагаас олохоор төлөвлөсөн байсан 42 сая тонн нүүрс бодит гүйцэтгэлдээ хүрээгүй. Хүрээгүй болохоор улсын төсөв тасалдаж таарна.

Өнгөрсөн арваннэгдүгээр сарын 17-нд Ерөнхийлөгч Х.Баттулгад Засгийн газарт өрх бүрд нэг сая төгрөгийн хөтөлбөр хэрэгжүүлэх боломж байгаа талаар танилцуулахад харамсалтай нь хэвлэлийн хурлаар татгалзсан хариу авсан. Түүний дараа Ерөнхийлөгч Сангийн сайдтай уг асуудлаар уулзаж, танилцуулсан. Улсын төсвийн хориг улстөржилт биш, алдаагаа засах боломж гэж харвал зүгээр.  

Б.Лхам