УИХ-ын ээлжит чуулган Ерөнхийлөгчийн 2021 оны Төсвийн тухай хууль болон дагалдан батлагдсан хуульд бүхэлд нь тавьсан хоригийг хэлэлцэж байна. Энэ үеэр гишүүд үг хэлснийг онцлон хүргэе.

Н.Алтанхуяг:  Гишүүд ээ, Монголд мөнгө байгаа. Улсын төсөвт 10 гаруй их наяд төгрөг байгаа. 2013 онд би Ерөнхий сайд байхдаа индэр дээрээс Улсын төсөв авлигажчихаад байна гэж хэлж байсан юм. Тухайн үед олон хүн дургүцэж, намайг унагах гэж гүйж яваад унагасан. Улсын төсөв нэрээр төсөв дотроос маш их байшин барина гэж л тавьдаг юм. Сүүлдээ Боловсролын яам Боловсролын барилгын яам, Эрүүл мэндийн яам чинь Эрүүл мэндийн барилгын яам болсон. Бүх яам барилгын яам болсон.

Яагаад гэвэл барилга барихаар том өртөгтэй. Түүнийг цавчихаар том авлига унадаг гэж ийм л логиктой.

Тиймээс авлигажсан төсвийг алга болгоно гээд адлагдаж ирсэн. Өнөөдөр хүртэл авлигажсан төсөв алга болохгүй болохоор санаа зовоод байна.

Монголчуудын өвчин зовлонг багасгая гээд яриад байж байхад дундаас нь мөнгө цавчдаг төсөв шийдчихээд янзлахгүй гээд байгааг нь гайхаад байна. Жишээ дурдахад, 10 тэрбумын барилга барина гэж тавьчихаад тэр нь жилээс жилд нэмэгдээд явдаг. Ингэж явсаар 20 тэрбумаар босдог. Ингээд 10 тэрбумын цавчаа. Үүнийг бид бүгдээрээ мэдэж байгаа.

2020 оны төсөв агаад буруу болчихсон гэхээр улсын төсвийн хөрөнгө оруулал нэг их наяд төгрөг нэмэгдүүлчихсэн.

Нэгэнт тавьчихсан суурийг нэмж тавихаас аргагүй байдалд орчихсон учраас Сангийн сайд худлаа яриад л яваад байгаа юм.

Төсвийн мөнгийг цөөн компанид биш 3 сая хүнд хүргэх арга байна уу гэдгийг хайх ёстой. Хамтраад суугаад яръя гэхээр улстөржлөө гээд байх юм. Муу дээрээ улцан гэж Онцгой комиссоо ажлаа хийлгэ гээд байхад цар тахлаа тараах гэж байгаа юм шиг ажилладаг.

Монгол Улс мөнгөтэй байгаа. Та нар Эрдэнэт үйлдвэрээс 100 тэрбум төгрөг аваад жорлон янзална гээд тогтоолын төсөл оруулж ирж байгаа шүү. Дараачийн удаа энэ талаар ярина.

Б.Лхам