Өчигдөр Кёкүшюзан Д.Батбаяр нарт холбогдох хэргийн шүүх хурал Хан-Уул дүүргийн Иргэний хэргийн анхан шатны шүүхэд болсон. Ингэхдээ бичлэгиййг ил болгосон Ц.Алтанцагийг шүүж, дөрвөн жилийн ял оноосон нь цахим сүлжээнд иргэдийн анхаарлыг татаад байна. Үндэслэл нь Кёкүшюзан Д.Батбаярын олон удагийн яриаг эвлүүлж гүтгэсэн гэх.

Кёкүшюзан Д.Батбаярын 32 сая ам.долларын залилангийн гэх тухай асуудлыг амтай бүр л ярьж, хэвлэлээр олон ч явсан даа. Эвлүүлэг болоод өдгөө тэр шүүхэд яллагдагчийн хувиар биш хохирогчоор оролцоно гэж хэн санахав.

Эргэн сануулахад хэвлэлээр Кёкүшюзан Д.Батбаярыг Замын-Үүд чөлөөт бүсийн захирагч Н.Болормаа, “Сайхан ордос туурь” ХХК-ийн захирал Б.Цэрэндорж нар 2009-2014 оны хооронд БНХАУ-ын хуулийн этгээд “Евро ази интернэшнл инвестмент групп”-д хэд хэдэн төсөл дээр хамтран ажиллах санал тавьжээ. Улмаар тухайн төслүүдийн урьдчилгаа төлбөрт их хэмжээний мөнгө авсан ч нэг ч төсөл хөтөлбөр, бичгээр өгсөн амлалт, баталгаа ажил хэрэг болоогүй юм. Улмаар хөрөнгө оруулагчдын талаас хуулийн байгууллагад гомдол гаргасан байдаг.

Гэрээг хийхдээ 2010 онд тухай үеийн Засгийн газрын сайд нараар дээрх төслийг дэмжүүлж гарын үсэг зуруулсан гэдэг. Гэвч “Туузан дамжуурга” төсөл хэрэгжүүлнэ гэж Хятадуудаас авсан 32 сая ам.долларын 20 гаруй сая ам.долларыг нь залилсан асуудлаар түүнийг АТГ, цагдаагийн байгууллагаас хүртэл шалгаж байсан гэх мэдээлэл бий.  

Цахим хуудсанд иргэдийн бичсэнээр гэмт хэргийг мэдээлсэндээ буруутаад үлддэг цаг дор амьдарч байна гэдэг үгийг дайя.

А.Сүх