Засаг захиргаа, нутаг дэвсгэрийн нэгжийн тухай хуулийн цахим хэлэлцүүлэг Төрийн ордонд боллоо.  

Энэ үеэр НИТХ-ын төлөөлөгч Р.Дагва “Засаг захиргаа, нутаг дэвсгэрийн нэгжийн тухай хууль бол бага Үндсэн хууль. Уг хуулиар Улаанбаатар хот Монгол Улсын нийслэл гэсэн статустай байхын хувьд цаашид ямар зохицуулалтаар ажиллаж, амьдрах вэ гэдгийг тодорхой болгох чухал хууль гэж харж байна.  

Дараах хэдэн саналыг хэлье. Орон нутгийн өмч, санхүүгийн асуудлыг хуульд тодорхой зааж өгөх учиртай. Эдийн засгийн үндэс нь хэрхэн тодорхойлогдох заалтуудыг тусгаж өгвөл орон нутаг орлогын эх үүсвэрээ бүрдүүлэх нөхцөл бүрдэнэ.

Ялангуяа хувийн хэвшлийн оролцоог Улаанбаатар хотын ажил, амьдрал руу хэрхэн нэвтрүүлэх вэ. Засаг захиргаа, нутаг дэвсгэрийн нэгжийн хуульд нийслэл гурван гол зарчимд анхаарч байгаа. Нэгдүгээрт, нийслэлийн статус хоёрдугаарт, нийслэлийн чиг үүрэг, гуравдугаарт, өмчийн хувьд ямар эрх мэдэлтэй байх вэ гэдэгт анхаарч байна.

Хуулийн төслийн 35-д НИТХ-ынн төлөөллийг ДИТХ бүрдүүлнэ гэсэн санал явж байна. Өөрөөр хэлбэл, Үндсэн хуульд заасан иргэд төлөөллөө шууд сонгоно гэсэн Үндсэн хуулийн зарчим зөрчигдөж байна гэж үзэж байна” гэлээ.

А.Сүх