Иргэдийн сонголтоор байгуулагдсан төр нь иргэдээ гадуурхаж эхэллээ. Тодруулбал, өчигдөр Төрийн ордны зүүн жигүүрт ажилладаг ажилтнаас авсан түргэвчисэн оношлуурын шнжилгээний хариу эерэг гарсан талаар бид мэдээлсэн. Улмаар Төрийн ордонд гаднаас хүн оруулахгүй, дотроос хүн гаргахгүй хөл хорио тогтоосон юм.

Гэтэл уг мэдээлэл нийтэд түгээд тун удалгүй нарийвчилбал шинжилгээний хариу гарах нь тэр.

Мэдээж шинжилгээний хариу сөрөг гарсан нь сайн хэрэг. Ойрын хавьтал, тэдний ойрынх гээд хойноос нь чоно туулайдах хэрэггүй болсон гэсэн үг. Гэхдээ иргэдийн дунд Төрийн ордонд гарсан сэжигтэй тохиолдлын шинжилгээний хариу хариу гурван цаг, хээр гацсаных нь 24-72 цаг болдог. Өөрөөр хэлбэл, ялгавартай хандаж байгаа талаар шүүмжилж байна.

Өнгөрсөн хугацаанд гарсан будлиантай олон асуудлаас болж иргэд бухимдаж байна. Эмх замбараагүй байдал, төрийн нэгдсэн бодлого шийдвэргүйн улмаас ажил, орлогүй болсон иргэд та бүгдэд итгэхээ байлаа. Хөл хорио сунгах болохоор нэг их тоо хэлж, эсвэл халдарын шинэ голомт хэлж айлгаж сунгадаг гээд.

Дээр нь цар тахлын улмаас одоогоор хүний амь эрсдээгүй ч шууд бус нөлөөллөөр хотын гадна хашигдаж амиа алдсан золгүй явдал ч гарлаа. Ой ч хүрээгүй хүүхэд халуураад хувийн унаагаараа эмнэлэгт очоод үзүүлье гэтэл 22.00 цаг болохоор яваарай гэж хэлсэн талаар иргэд цахим сүлжээнд бичиж байна.

Даанч дээрх явдалд буух эзэн, буцах хаяг нь олдохгүй байгаа нь асуудлын гол нь. Ер нь дотоодод халдвар алдсан нь төр засгийнхны хариуцлагатай хандсантай шууд холбоотой.

Гэтэл иргэдээсээ уучлал гуйсан ухамсартай төрийн албат нэгээхэн ч байсангүй.

Бүр автобусны жолоочоос халдвар илрэхэд иргэдийг автобусаар зорч гэж уриалаагүй. Би ч уриалаагүй хэмээн асуудлаас бултах жишээний.

Дахин хэлье, Төрийн ордонд гарсан сэжигтэй тохиолдлыг хурдан шинжилж, “Автобус-1”-д гарсан болон бусад иргэдийн шинжилгээ болохоор хэдэн өдөр дамнадаг юм уу гэж гайхах, зэвүүцэх иргэд олон байна. Тиймээс олон хоног дамнадаг шинжилгээний хариунуудад анхаарч, тэгш үйлчлэхийг дайя.

А.Сүх