УИХ-ын ээлжит чуулганаар Монгол Улсын Засаг захирга, нутаг дэвсгэрийн нэгж түүний удирдлагын тухай хуулийн шинэчилсэн найруулга болон хамт өргөн мэдүүлсэн хуулиудын эхний хэлэлцүүлгийг хийж байна. Энэ үеэр үг хэлж, асуулт асуусныг онцлон хүргэе.
Ц.Цэрэнпунцаг: Улс төрийн намууд сумын ИТХ-д нэр дэвшихгүй гэсэн санал хуулийн анхны төсөл дээр явж байсан ч дэмжигдээгүй. Энэ заалт ач холбогдолтой. Сумын намчирхлыг дараа нь гарах хуулиар улс төрийн оролцоог багасгах байдлаар оруулж ирж болно гэсэн. Ер хөдөө аж ахуй ялангуяа мал аж ахуйд холбогдчихоод байгаа асуудал нь бүтээмж гэж байхаа больсон. Энэ улстөрждөг асуудлыг орон нутгаас авч эдийн засгийн харилцааг идэвхжүүлэх заалт болох байсан гэж харж байна.
Улс төр, эдийн засаг хоёр ээлж дараатай, тийм бодлого байх ёстой. Уг нь дээрх заалтыг эргэж хармаар байна.
Ж.Сүхбаатар: Улс төрийн намын үүрэг оролцооны асуудал сүүлийн хэдэн жил яригдсан. Иргэд, судлаачид суман дахь улс төрийн оролцоог хумъя гэдэгт нэгддэг. Улс төрийн намууд үүнд бэлэн байна уу гэдэг нь эргэлзээтэй. Нэгжийн хууль улс төрийн намын хууль руу татагдаад орчихоор хуулийн зохицуулах харилцаанд асуудал үүсгээд байна.
Тиймээс хүчлэн зүтгэхээс түдгэлзсэн.
Хоёрдугаарт, УИХ дахь олонх болон цөөнхийн бүлэг энэ байр суурийг дэмжээгүй. Гэхдээ дэмжихгүй дээ биш гэж ойлгож байгаа. УИХ дахь олонхийн нам улс төр дахь намын реформын асуудлаар хэлэлцэнэ. Нам орон зайгаа хумих шаардлагыг Үндсэн хуулиар тавьчихсан шүү дээ.
А.Сүх
