УИХ-ын чуулганы ээлжит хуралдаан эхэллээ. Чуулганы хуралдааныг нээж УИХ-ын дарга Г.Занданшатар “УИХ-ын эрхэм гишүүд ээ, жил бүрийн арваннэгдүгээр сарын 25-аасс арванхоёрдугаар сарын 10-ыг хүртэл дэлхийн 180 гаруй орон нэгдмэл зорилгын дор жендерт суурилсан хүчирхийллийн эсрэг 10 хоногийн аян өрнүүлдэг.
Монгол Улс 22 дахь жилдээ тэмдэглэн өнгөрүүлж байгаа бөгөөд энэ жил “Хүчирхийллийг яг одоо цэглэе” уриан дор явууллаа. Хүчирхийллийг таслан зогсоохын тулд хүн бүрийн оролцоо чухал. Тиймээс охид, эмэгтэйчүүдийн хүчирхийллийн эрэг эрчүүдийг хамарсан хамгийн том хөдөлгөөн болох “Цагаан туузтаны аян”-д Монгол Улс нэгдэг орж байна.
Энэ туузыг зүүсэн хүн бүр хүчирхийллийн хажуугаар дуугүй өнгөрөхгүй, тэмцэнэ гэж амлалт өгдөг.
УИХ-ын гишүүн Ц.Мөнхцэцэг, Б.Баярсайхан нар хүчирхийллийн эсрэг УИХ-ын бүлгэм үүсгэлээ.
Жендерт суурилсан хүчирхийллийг зогсоох, Хүүхэд хамгааллын хуулийг боловсронгуй болгох чиглэлээр бодлогын томоохон өөрчлөлтүүдийг ирэх онд хийхээр төлөвлөж байна.
Мөн өчигдөр Олон улсын Хүний эрхийн өдөр тохиосон. Хүний эрх бол Үндсэн хуулийн суурь зарчим. Хүний эрхийг хамгаалагчийн тухай хуулийг ирэх долоо хоногт хэлэлцэнэ. Энэ хуулийг Д.Цогтбаатар нарын гишүүд санаачлан гаргасан. Хүний эрх юунаас ч эрхэм байх ёстой. Тиймээс Олон Улсын Хүний эрхийн комиссоос талархлын бичиг ирүүлсэн. Азидаа хамгийн анх гишүүддээ сонгон шалгаруулалт хийж томилсон.
Түүнчлэн уржигдар авлигын эсрэг өдөр болсон. Төрийн аллбаны бүх шатанд “Авлигад үгүй” гэж хэлдэг байх хатуу зарчмыг барьж байгаа.
Өнөөдөр Авлигын хуульд өөрчлөлт оруулна. Авлигагүй, хулгайгүй нийгмийг бий болгохын төлөө хичээж ажиллахын төлөө төрийн байгууллагын алба хаагч, УИХ-ын гишүүддээ анхааруулж байна.
Цар тахалтай холбоотойгоор иргэдийн орлого буурч, дэлхийн олон орны эдийн засагт хохирол учраад байгаа энэ цаг үед бидний ширээн дээр тусгай хэрэгцээт хүүхдүүдийн эцэг эхийн урласан зөөлөн тоглоом болох нэрийн хуудасны арьсан хэтэвч тавьсан байна. Үүнийг худалдан авснаар “Ээлтэй ертөнц” ТББ-ын дэргэдэх байнгын асаргаа шаардлагатай асран хамгаалагчид болон “Ид шидийн орон”-д хандив болох юм. Хамтран ажиллахыг нийт гишүүддээ уриалж байна” гэлээ.
Б.Лхам
