УИХ-ын чуулганы ээлжит хуралдаан Монгол Улсын хууль тогтоомжийг 2024 он хүртэл боловсронгуй болгох үндсэн чиглэл батлах тухай хуулийн төслийг дэмжих эсэхийг хэлэлцэж, дэмжлээ. Энэ үеэр гишүүдийн үг хэлснийг онцлон хүргэе.
Ж.Ганбаатар: Монгол Улсад хууль багадаагүй. Хуулийг гаргахдаа тунхагийн чанартай гаргадаг гэдэгт санал нэгддэг. Орон зай үлдээгээд журмаар зохицуулах боломж гаргахгүй тийм л байх ёстой. Зайлшгүй хэлэлцэх тухай хууль дээр олон гишүүн ярилаа. Зөрчлийн тухай хуульд сануулах заалт оруулъя гээд өргөн барьчихсан. Засгийн хуулийг л яриад байх юм. Гишүүн чинь хуулиа санаачлаад оруулчихсан. 2000 төгрөгийн торгуулийг чичлүүлэн байж 1000 төгрөг болгосон. Тухайн үед энэ танхимд ганцаардсан даа.
Би Зөрчлийн тухай хуульд сануулах заалт оруулах хууль өргөн барьчихсан байгаа. Тухайн үед хүмүүс юу гэж ярьж байснаа санаж байгаа байлгүй дээ.
Хуулийг дагалдан гарах журам гаргах боломжгүй болтол нь процесс тал дээр нь анхаарч гаргах хэрэгтэй. Уг нь тэр ажлыг яаж хийх юм, ямар нэг цоорхой гаргахгүй байх ёстой юм гэдэг дээр Хууль зүйн яамныхан анхаардаг байх ёстой.
Зөрчлийн тухай хуульд сануулах заалт оруулаагүй. Засгийн газар санаачилсан шүү дээ. Одоо бидний алдаа байна гээд дахин оруулж ирж байна. Тэгсэн хэрнээ гишүүдийн асуултад тайлбарлахдаа санаачлах гээд байна шүү дээ юу яриад байгаа юм гэсэн хандлагатай боль л доо. Өөрсдөө алдаа гаргачихаад. Үүнийг чинь хажуунаас нь хараад зүгээр сууж чадсангүй.
А.Сүх
