УИХ-ын чуулганы ээлжит хуралдаанаар Авлигын эсрэг хуульд өөрчлөлт оруулах хуулийн төслийн талаар хэлэлцэж байна. Гишүүдин үг хэлж, асуулт асуусныг хүргэж байна.

Г.Тэмүүлэн: Томилгооны бүрэн эрх асуудалтай холбогдуулан зарчмын асуудлыг хөндье. Олон томилгоонд УИХ оролцохоороо ус төрийн асуудал болоод байна. Хэрэв оруулж ирэх байгаа бол олон шалгуур явуулдаг байвал зөв болох байх. Ялангуяа ХЭҮК-ын гишүүдийг сонгон шалгаруулдаг шиг. Энэ дээр ямар байр суурьтай байна вэ.

Хоёрдугаарт, хууль хүчний байгууллагууд дунд ажил үүргийн давхцал байна гэдэг гомдол иргэд ярьдаг. Мөрдөн шалга эрх бүхий байгууллагуудын чиглэлийг томруулбал яасан юм. Монголын нийгэмд ирээдү болсон үр хүүхдүүд хар тамхи хэрэглэх асуудал гараад байна. Магадгүй мөрдөн шалгах байгууллагуудыг нэгтгээд институци байгуулаад ирээдүйгээ аварвал яасан юм.

Ер нь эрүүгийн мөрдөн байцаах албыг сэргээвэл яасан юм. Прокурорын дэргэдэх мөрдөн байцаах алба байгуулах шаардлага үүссэн гэж хараад байгаа. Өнөөдөр Монгол Улс НҮБ-ын гишүүн улс орон. Эрүүдэн шүүх, хүнлэг бус хандах, буруутай этгээдийг шийтгэх, хараат бус мөрдөн байцаах албыг чадваржуулах чиглэл гаргасан. Үүнийг бид биелүүлэх үүрэгтэй. Тэгвэл хуулийн байгууллагуудын бусармаг ажиллагааг яаж байхгүй болгох юм.

Х.Нямбаатар: Тантай санал нэг байна. Монгол Улс 1994 онд үндэсний мөрдөх албаны тогтолцоог бий болгох эхний алхмаа хийсэн. Тухайн үеийн төсөв санхүүгийн гачаалаас шалтгаалан Цагдаагийн ерөнхий газрын дэргэд Улсын мөрдөн байцаах газрыг байгуулсан. Басад байгууллагуудад харьяалагдаж байсан мөрдөх нэгжүүдийг Улсын мөрдөн байцаах газарт төвлөрүүлсэн. Тухайн үеийн дарга нартай энэ асуудлаар ярилцсан. Судалгааны шатандаа явж байна. 2013 онд Прокурорын дэргэдэх Мөрдөн байцаах газрыг татан буулгасан. Гэтэл гурван газарт давхардал үүсээд байсан юм. Цаашид Үндэсний хэмжээний мөрдөх албатай болох, тусгай субъектүүдийн үйлдсэн хэргийг шалгадаг нэгжтэй байх тогтолцоотой болох судалгааны ажил хийгдэж байна. Цаашид АТГ соён гэгээрүүлэх, хөрөнгө оруулгын мэдүүлгийг хянадаг, цагдаагийн байгууллага нийтийн хэв журмыг сахиулдаг байх энэ чиглэл рүү явна.

А.Сүх