УИХ-ын чуулганы ээлжит хуралдаанаар Ерөнхийлөгчийн сонгуулийн хуулийг хэлэлцэж байна. Энэ үеэр гишүүд үг хэлж, асуулт асуулаа.

Т.Доржханд: Бид ердөө зургаан сарын дараа төрийн тэргүүнээ дахин сонгох гэж байна. Их хариуцлагатай үе. Ерөнхийлөгчид яагаад 50 наснаас дээш иргэн нэр дэвших эрхтэй юм бэ. Үндэслэл нь юу юм. Өнөөдөр дэлхийн маш олон амжилттай орнуудын Ерөнхийлөгч залуучууд байгаа шүү дээ.

Хоёрдугаарт, Үндсэн хуулиар Ерөнхийлөгч нэг л удаа сонгогдоно. Одоогийн Ерөнхийлөгч дэвших эрхтэй юм уу. Өмнөх Ерөнхийлөгчид дэвших эрхтэй юм уу. Боломжгүй гэж ойлгоод байгаа. Үүнийгээ тодорхой болгож өг.

Л.Энх-Амгалан: Үндсэн хуулийн өөрчлөлтөөр нэр дэвшигч 50 нас хүрсэн байх ёстой гээд заачихсан. Гэхдээ Ерөнхийлөгчийн сонгуулийн тухай хууль сонгуулийг яаж явуулах вэ гэдэг процессын асуудал. Түүнээс биш Үндсэн хуульд заасан зүйлийг дахиад тайлбарлах шаардлагагүй.

Н.Энхболд: Үндсэн хуулийн дагуу хуулийн төслийг боловсруулсан. Энэ оны тавдугаар сарын 25-аас хүчинтөгөлдөр мөрдөгдөж байгаа Үндсэн хуульд 50 нас хүрсэн, Монгол Улсын иргэнийг зургаан жилд нэг удаа сонгоно гэж заасантай нийцүүлэн оруулж ирсэн. Үүнийг хэн ч өөрчлөх боломжгүй.

А.Сүх