Монгол Улсын Ерөнхийлөгчийн бэлэн мөнгө тараа, үндэсний үйлдвэрлэлээ дэмж гэсэн улс төрийн хожоотой шахааны хариуд Ерөнхий сайд У.Хүрэлсүх харин ч хариуг нь дориун барьчихлаа.

Өдгөөгөөс нэг жил орчмын өмнө хоёр оны заагт Монгол Улсын Ерөнхийлөгч гэнэтийн сюрприз барьж, монголчуудыг тэр дундаа ахмадуудын магнайг тэнийлгэж байлаа. Тэтгэврийн зээлийг тэглэснээр түүний нэр хүнд өсч, бурмын үгэнд хэсэгтээ бялхсан. Энэ цагаас хойш олны сэтгэлийг дахин хөвсөлзүүлсэн нь саяхан даа.

Тэрбээр цар тахлын үед иргэн, өрх, аж ахуйн нэгжийг эрсдэлээс хамгаалах асуудлаар Ерөнхий сайд У.Хүрэлсүхэд албан бичиг хүргүүлж, өрх бүрд 200 мянган төгрөгийг бэлнээр, 800 мянган төгрөгийн эрхийн бичиг олгох санал гаргасан билээ.

Энэ нь иргэдийн амьдралд бодит дэмжлэг болно гэдгийг ч тэрбээр онцолж байв. Тодотговол, нэгдүгээрт, айл өрхийн амьжиргааг дэмжих, хоёрдугаарт, үндэсний үйлдвэрлэлээ дэмжих шийдэл байлаа. Ард түмэн зөв хэмээн уухайлан дэмжээгүй ч бас буруутгаагүй юм. Өгчихвөл авчихъя л гэсэн хүлээлттэй байсныг нуух юун.

Харин одоо түүний дараагийн нүүдэл юу байх вэ. Ийм хүлээлт нийгэмд дахиад л үүсчихлээ. Он солигдох мөч ч ойртлоо. Хоног тоолон хүлээе дээ, Ерөнхийлөгч өө.

У.Тэргэл