Дарга нарын тансаг хэрэглээ гаарч байна. Улсын эдийн засаг хямарч, орлого буурч аль болох бага хүүтэй зээлээр “гол зогоож” байхад дарга нэртнүүдийн цамаархлыг яана. “Хурган” дарга орглогчийнхоо машиныг голж, шинэ машин авна гэжээ.

Тодруулбал, “Орхон аймгийн Засаг даргын орлогчийнх нь 470 машин муудсан. Одоо приус маркийн автомашин унаж байгаа. 98 сая төгрөгөөр шинэ машин авч өгнө. Орлогчоо приус маркийн авто машинаар явуулж чадахгүй” гэсэн яриа цахим хуудсанд тархжээ.

Түүнчлэн аймгийн дарга нарын 0001, 0002, 0003 дугаартай тансаг зэрэглэлийн машин байгаа талаар цахи хуудсаар шуугьж, иргэдийн шүүмжлэлийг дагуулж байсан нь саяхан. Энэ бүх зарлага татвар төлөгчийн халааснаас гардаг гэдгийг хэзээ ойлгох вэ. Тэднийг үнэтэй машин тансаг хэрэглээгээр хангах гэж дарга болгодог гэж боддог ийм дарга нарыг яах вэ.

Төрийн дээр, дооргүй гэлтгүй албан тушаалтнууд татвар төлөгчдийн мөнгийг энэ мэт үр ашиггүй зарцуулж байна. Хөл дүүжилж л байвал приус машин байсан ч яадаг юм. Л.Оюун-Эрдэнэ дарга аа, та ТӨҮГ-ын дарга нарыг дахин үр ашиггүй зардал гаргавал хариуцлага тооцож, албан тушаалаас нь чөлөөлөх хүртэл арга хэмжээ авна гэсэн. Энэ шийдвэр чинь хурган дарга нарт ч хэрэгтэй байна.

Хөнжлийнхөө хэрээр хөлөө жийх цаг дор орлогчоо приус машинтай явуулж чадахгүй гэж томроод байгаа Орхон аймгийн Засаг даргыг анхааралдаа авна уу. Үнэхээр тэр бичлэг үнэн бол асуудал шүү.

Б.Лхам