УИХ дахь АН-ын бүлэг мэдээлэл хийлээ.

Бүлгийн дарга, УИХ-ын гишүүн Д.Ганбат “Өчигдөр Засгийн газраас тодорхой гурван асуудал дээр шийдвэр гаргасан. Уг шийдвэрийг зөв зүйтэй гэж үзэж байна. Гэхдээ энэ нөхцөлийг бий болгосон нь АН гэдгийг цохон хэлэх нь зүйтэй болов уу.

Шүүхийн асуудал өнгөрсөн хугацаанд хүнд байдалд орчихсон байгаа. Энд МАН буруутай.

Шүүх хараат бус байж хуулийг дээдлэх ёстой. Үндсэн хуульд нэмэлт, өөрчлөлт оруулсан. Хуульд Сахилгын ерөнхий хороо байгуулах мөн Шүүхийн ерөнхий зөвлөлийг 10 гишүүнтэй байгуулахаар заасан. Ерөнхийлөгчөөс Шүүхийн багц хуульд нэмэлт, өөрчлөлт оруулах хуулийн төсөл өргөн барьсан ч МАН-ын бүлэг Засгийн газраас гаргасан хуулийн төслийг хэлэлцээд явъя гэсэн шийдвэр гарсан учраас Ерөнхийлөгч хуулийн төслөө татсан.

Гол асуудал нь хонгил байгуулдаг, хэлмэгдүүлдэг байдлыг таслан зогсоогоод шүүх Үндсэн хуулийн дагуу хуулиа дээдэлдэг, хараат бусаар ажилладаг байх ёстой.

Мөн сахилгын ерөнхий хороо орон тооны байх ёстой. Нөгөө намын бүлэг орон тооны бус байхаар оруулж ирсэн байна лээ. Энэ талаар нухацтай ярьж байна. Эцэслэгдэн шийдэгдээгүй” гэлээ.

А.Сүх