Одоогоос дөрөв орчим сарын өмнө УИХ-ын гишүүн Д.Эрдэнэбатыг Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхээс гэм буруутай гэж үзэн 4.6 жилийн хорих ял оноосон.
Түүний шүүх танхимд яллагдах үедээ хэлсэн үг олны анхаарлыг татаж байна.
Тодруулбал, тэрбээр “Эрдэнэтийн 49 хувийг Монголд авчирсан тэр Засгийн газрын шийдвэр азтай ч гэмээр эзтэй ч гэмээр шийдвэр байсан. Гэхдээ энэ шийдвэрийн эз нь надаар дуусч, аз нь ард түмэнд минь ирж эхлээсэй” гэсэн байдаг.
Тэгвэл өнгөрсөн ням гарагт Засгийн газар ээлжит бусаар хуралдаж айл бор болон ААН-үүдийн цахилгаан, дулаан, усан хангамж, хогны төлбөр болох суурь төлбөрүүдийг чөлөөлсөн. Уг төлбөрийг Эрдэнэт үйлдвэр даахаар шийдвэрлэсэн бөгөөд 650 тэрбум зарцуулах тооцоо гараад буй.
Уг шийдвэрийг улстөрчид болон эдийн засгийн мэргэжилтнүүд цагаа олсон, бүх нийтийг хамарасан бодитой дэмжлэг болохуйц шийдвэр гэж дүгэж байгаа бөгөөд өчигдөр АН-ын бүлгийн хурлаар ч онцолсон. Ингэхдээ Эрдэнэтийг 49 хувийг авчрахад АН-ын бүлэг ихээхэн хувь нэмэр оруулсныг цохон тэмдэглэсэн билээ.
Өөрөөр хэлбэл, Эрдэнэтийн 49 хувийг төрд авахад АН чухал үүрэг гүйцэтгэснээс гадна эрх баригч намын эл шийдвэрийг АН-ын бүлгийн удаа дараагийн шахалт нөлөөлсөн шүү гэдгийг иргэд сонгогчдодоо сануулсан, нөгөөтээгүүр гоморхлын ч гэмээр үг чулуудсан юм.
Хэнийх нь үүрэг роль их байсан гэдэгтээ хүрвэл өнгөрсөн парламентын дарга асан М.Энхболд дээр ирэх байх. Ямартайй ч тухайн цаг үед АН-ын гол хүнээр нэрлэгдэж байсан Д.Эрдэнэбатын ерөөл биеллээ олж, эцсийн дүнд үр дүн гарсан нь л одоогийн нөхцөл байдалд чухал байна.
Б.Лхам
Сэтгэгдэл (22)