УИХ-ын ээлжит чуулганаар Монгол Улсын засаг захиргаа, нутаг дэвсгэрийн нэгж түүний удирдлагын тухай хуулийн эцсийн найруулгыг хэлэлцэж байна.

Т.Доржханд: Хуулийн төсөлд чухал заалтууд нь байхгүй болчихсон байна. Сумдад улстөржихгүй гэсэн заалт хаана байна. Сумдуудыг нэгтгэх асуудал байна. Хүчээр нэгтгэж байгаа зүйл биш шүү дээ. Бүсээр нь, хот байгуулалтаар нь нэгтгэж болно. Бүгдээрээ Улаанбаатар хотдоо шавчихсан. 330 сумын тал хувь нь 2000 хүрэхгүй хүн амтай. Амьдрах боломжгүй. Зах зээл, бизнесийн орчин байхгүй. Тиймээс нэгтгэе гэж хэлсэн шүү дээ. 

Хоёрдугаарт, ард түмнээрээ хэлэлцүүлэхгүй юм уу. Хуульчид Үндсэн хуулийн дараа орох том хууль гэж үзэж байгаа. Гэтэл яагаад асуухгүй байгаа юм бэ.   

Ж.Сүхбаатар: Таны яриад байгааг УИХ дахь олонхийн бүлэг хийж байгаа. Намын нэр дэвшүүлэх асуудал дээр олонх, цөөнхийн бүлэг улс төрийн шинэчлэл явуулна. Хоёрдугаарт, нэгжүүдийг томсгох зэрэг боломж суучихсан. Анх удаа ийм зүйл оруулж ирсэн шүү. Нэгтгэх ажлыг Засийн газар хийнэ. Нэгтгэх явцад саад болж болох зүйлийг засаж, зааж өгсөн. Нэгжийн хууль батлагдвал таны хэлснээр боломж нь нээгдэнэ. Түүнээс биш тэр газрыг тэр газартай нэгтгэнэ гэж зааж болохгүй. Засгийн газар судалгаа хийж байж хийнэ.

А.Сүх