УИХ-ын ээлжит чуулганаар Монгол Улсын засаг захиргаа, нутаг дэвсгэрийн нэгж түүний удирдлагын тухай хуулийн эцсийн найруулгыг хэлэлцэж байна.

Ж.Батсуурь: Хуулийн төслийн 56.1.5, 56.7, 56.8 гэдэг заалтууд Үндсэн хууль зөрчсөн заалтууд орж ирж байна. 1996 онд С.Нарангэрэл нарын хүмүүс ҮХЦ-д хандаад зөвшилцөнө гэдэг заалт Үндсэн хууль зөрчсөн гэсэн дүгнэлт гаргуулж байсан. Үүнийг зогсоохгүй бол олон хүмүүсийн хөдөлмөр, улстөр талаас нь хуулийг сүнсгүй болгож байна. Дангаар нь харвал асуудал биш. Гэхдээ хуулийн үндэслэлгүй буцаана гэдэг нь юу гэсэн үг вэ. Дээрх гурван заалтыг нийлүүлээд харвал Монгол Улсын тусгаар тогтнолд халдаж байгаа хэрэг.

Ер нь орон нутагтай холбоотой асуудалд орон нутагт очиж үзээгүй хүн юм ярихаа болих хэрэгтэй. Т.Доржханд гишүүнд хандаж хэлмээр байна. Өөрийнх нь олон жил амьдарсан Улаанбаатар өнөөдөр ямар байгаа юм. Тийм сайхан байгаа юм уу.