Ерөнхийлөгчийн сонгуулийн хаяа ойртож байгаатай холбогдуулан дараагийн Ерөнхийлөгчид хэн хэн нэр дэвших вэ гэдэг асуулт олны анхаарлын төвд байна. МАН-аас нэр дэвших боломжтой гишүүдээ зарлаад байгаа бол парламентад төлөөлөлтэй үлдсэн намуудын нэр дэвшигчид одоогийн байдлаар таамаг төдий хэвээр байна.

Үндсэн хуулийн нэмэлт, өөрчлөлтөөр хугацааг уртгасан нь олон маргаан дагуулж байна. Жишээ нь, одоогийн Ерөнхийлөгч нэр дэвших эрхтэй юү. Мөн өмнөх Ерөнхийлөгчид ч нэр дэвших эрхтэй эсэх талаар гишүүд юү хэлснийг онцлон хүргэе.

Сангийн сайд Ч.Хүрэлбаатар: Нэр дэвших боломжгүй. Нэг хүн хамгийн ихдээ өмнөх Үндсэн хуулиар хоёр удаа буюу найман жил, шнэ Үндсэн хуулийн өөрчлөлтөөр хамгийн ихдээ зургаан жил, тэгэхээр аль ч тохиолдолд найман жилээс дээш Ерөнхийлөгч байж болохгүй. Тийм учраас өмнөх болон одоогийн Ерөнхийлөгч нар нэр дэвших боломжгүй.

УИХ-ын гишүүн Т.Доржханд: Шинэ Үндсэн хуульд Монгол Улсын Ерөнхийлөгч зөвхөн нэг удаа зургаан жилээр сонгогдоно гээд заасан. Тиймээс өмнө нь байсан Ерөнхийлөгчид болон одоо байгаа Ерөнхийлөгч сонгогдох ёсгүй гэсэн ойлголттой байгаа.

УИХ-ын гишүүн С.Ганбаатар: Намбарын Энхбаяр гэдэг хүнийг сонгуульд оролцуулахгүйн тулд 2009 оноос хойш арван жил махыг нь зулгааж, сонгох, сонгогдох эрхэнд нь халдаж байна. Нэг үе та нарыг удирдаж явсан, та нарын хамтран зүтгэгч. Оюу толгой, Таван толгойн баялгийг ард түмэнд өгье гэсний төлөө аймшигтай хонгилын эздэд чирэгдэж, гүтгэгдэж яваа хүн. Хэнийг сонгох уу, сонгохгүй вэ гэдгийг ард түмэн өөрсдөө шийддэг.

А.Сүх