УИХ-ын ээлжит чуулганаар Гадаадын иргэний эрх зүйн байдлын тухай хуульд нэмэлт, өөрчлөлт оруулах болон хамт өргөн мэдүүлсэн хуултийн төслүүийг хэлэлцэж байна.

Энэ үеэр УИХ-ын гишүүн Л.Энх-Амгалан нэгэн ноцтой мэдээлэл задаллаа. Тэрбээр "Гадаадын иргэд Монгол Улсын тусгаар тогтнол руу хилийн гаднаас халдаж байгаа энэ асуудлын зохицуулалт яах юм бэ. Саяхан Хятадын Засгийн газрын санхүүжилттэй APT хакерын групп Монгол Улсын төрийн захиргааны төв байгууллага, 430 төрийн байгууллагын программ руу халдлага хийчихсэн байна.

Тодруулбал, Ерөнхийлөгчийн Тамгын газар, ХЗДХЯ болон төрийн байгууллагууд, орон нутгийн байгууллагуудын ашигладаг программд халдсан.

Төрийн байгууллагуудын албан бичиг боловсруулдаг, хамгийн чухал асуудлаа ярьдаг программд халдлага хийсэн гэсэн үг. Энэ програмдаа үндэслээд 430 байгууллага хүний нөөцийн бүх мэдээллээ хадгалж байдаг юм байна. Террор хийж байна.

Бидэнд гашуун туршлага бий. Өмнө нь баахан хятадууд орж ирээд Монголд цахим тоглоом тоглосон гээд байгаа. Би тоглоогоогүй гэж бодож байна. Хилийн гаднаас хүртэл хийж байна” гэлээ.

 А.Сүх