МҮЭХ-ны 85 жилийн ой болж буй энэ өдөр тус байгууллагын  төв байранд МҮЭ-ийг удирдаж байсан үе үеийн удирдагч , дарга, ерөнхийлөгчдийн хөргийн байрлуулжээ.

   МҮЭХ-ны 85 жилийн ой болж буй энэ өдөр тус байгууллагын  төв байранд МҮЭ-ийг удирдаж байсан үе үеийн удирдагч , дарга, ерөнхийлөгчдийн хөргийн байрлуулжээ.

Бүх Монголын Үйлдвэрчний Эвлэлийн анхдугаар хурал 1927 онд хуралдаж анхны даргаар Ц.Дамбадорж сонгогдон ажиллаж байснаас хойш эдүүгээ 21 дэх тэргүүнээ сонгоод байна. МҮЭ-ийг удирдаж байсан хүмүүс дотор  бидний  зохиол бүтээлээр нь сайн мэдэх зохиолчид  ч байжээ. Бүх Монголын ҮЭ-ийн II онц бүгд хурал 1929 онд хуралдаж Ц эндийн Дамдинсүрэн даргаар сонгогож байжээ.  МҮЭ-ийн Төв Зөвлөлийн даргаар 1954-1957 онд онд С.Удвал сонгогдон ажиллажээ.

  Өнөөдөр МҮЭ-ийн СТО-д нээгдсэн  үзэсгэлэн МҮЭХ-ны түүхийг тодорхой тусгажээ. Монголд ҮЭ-ийн анхны үүрүүд 1917 онд бий болж 1927 онд үндэсний төвөө байгуулж, нгэдсэн зохион байгуулалтад оржээ.  Энэ үед “Үйлдвэрчин ба ажилчин албан хаагчдын эвлэл” нэртэйгээр анхны байгууллагууд үүсжээ. Дараа нь Түшээт хан аймгийн Ерөө, Зуунмодны алтны уурхайн дэргэд үүрүүд бий болж  зарц, ядуус, харчуул, борчуул, хөлсний ажилчдын байгууллага, тэдний эв нэгдлийн эхлэл болж байжээ. 1921 онд Хүрээнд ажилчин албан хаагчдын анхдугаар хурал болж, түүнд  арьс ширний завод,  цахилгаан станц, цэргийн гар үйлдвэр, зэвсгийн засварын газрын 300-гаад ажилчин албан хаагч оролцсон байна. Эдгээр нь орос, буриад, монгол, хятад хүмүүс байсан учир энэ үед байгуулагдсан эвлэлийг ”Олон язгууртны эвлэл” гэж нэрлэж байжээ. Нийслэл хүрээний ҮЭ-ийн байгууллага ажилчин албан хаагчдад “Ням” гаригийн амралт эдлүүлэх, өдөрт 8 цагийн ажлын өдөрт шилжүүлэх тухай асуудлыг 1922 оны 7 дугаар сарын 22-нд Ардын Засгийн газарт оруулж, мөн оны 10 дугаар сарын 11-нд “ням” гаригт амрааж байх шийдвэрийг  гаргуулжээ. Ажилчин хүний эрх ашгийг хамгаалах  эрхийн эхний  “хууль” нь 1925 онд Үйлдвэрчний байгууллагын санаачлагаар боловсруулан гаргасан “Аливаа хүчин үнэлэгчдийн дүрэм” байжээ.