Австралийн алдарт “Бангарра” бүжгийн театрын уран бүтээлчид Монголд ес
хоногийн аялан тоглолт хийх гэж байна. Тус бүжгийн театрынхан энэ сарын 22,
23-нд “Соёлын төв өргөө”-нд “Spirit” нэртэй
тоглолтоо толилуулна. 23
жилийн түүхтэй тус театрынханы хувьд төв Ази дахь энэ удаагийн аялан тоглолт нь
урьд хожид байгаагүй соёлын том арга хэмжээ болох аж. Тус театрынхан Австралийн уугуул иргэд Аборигенчуудын
уламжлал, соёлыг уран бүтээлдээ тусгадаг аж. Монголын Урлагийн зөвлөлийн 10 жилийн
ой, Монгол-Австралийн хооронд дипломат харилцаа тогтоосны 40 жилийн ойд
зориулсан тоглолтыг Урлагийн зөвлөл, “Рио Тинто” групп хамтран зохион байгуулах
юм байна. 1989 онд байгуулагдсан тус театр жилд 100 гаруй уран бүтээл туурвиж,
гадаад, дотоодод айлчлан тоглодог гэнэ. “Бангарра” гэдэг нь Австралийн уугуул
Вираджуру хүмүүсийн хэлээр “гал олох” гэсэн утгатай үг аж. Театрынхан ийм
утгатай үг сонгож авсан нь санамсаргүй зүйл биш бөгөөд галыг дээдлэн шүтдэг ард
түмний уламжлал, соёлыг уран бүтээлээрээ илэрхийлэх зорилготой юм байна.
Сиднейн модерн театрынхан мөн говийн аймагт зочилж, нутгийн зон олонтой уулзан,
тал нутгийн нүүдэлчдийн соёл, зан уламжлалтай танилцахаар төлөвлөж байгаа гэнэ.
23 жилийн түүхтэй тус театрынханы хувьд төв Ази дахь энэ удаагийн аялан тоглолт
нь урьд хожид байгаагүй соёлын том арга хэмжээ болох аж. Тус театрынхан бүжиг
дэглээч Фрэнсис Рингийн удирдлагаар Австрали даяар 110 тоглолт хийх
төлөвлөгөөтэй гэнэ.Т.Хулан
