Эхнээсээ эхлээд олон бүтэхгүй шуугиан тарьсан “Дүнжингарав” худалдааны төв 00-ийн үйчлэгч ажилд авахаа зарлаж, сарын сая төгрөгийн цалин олгоно гэв. Энэ бас бүтэхгүй шуугианы нэг болов  уу? эсвэл ...

Эхнээсээ эхлээд олон бүтэхгүй шуугиан тарьсан “Дүнжингарав” худалдааны төв 00-ийн үйчлэгч ажилд авахаа зарлаж, сарын сая төгрөгийн цалин олгоно гэв. Энэ бас бүтэхгүй шуугианы нэг болов  уу? эсвэл ...

2008 оны наймдугаар сарын наймны өдөр ашиглалтад орно хэмээн төлөвлөгдөж байсан “Дүнжингарав” нээгдэх гэж нэг сонгуулийн нүүр үзсэн.
Сүүлдээ дампуурсан, ашиглалтад орохгүй гэж үзтэл хэвлэлүүдээр техникийн шаардлага хангахгүй байсан тул мэргэжлийн байгууллагын дүгнэлтээр ашиглахыг хориглосон гэж бичих болсон.
 Гэхдээ л “МонУран”-ы Б.Наранхүү хууль зөрчин байж араг ясыг нь босгосон Дүнжингараваа нураалгаагүй.

Орчин үеийн стандартад нийцсэн олон улсын худалдааны төв байгуулна хэмээн сүржигнэсэн Б.Наранхүүгийн мөрөөдөл талаар болж өнгөрсөн хавар “Дүнжингарав” худалдааны төвийнхөө талыг “Ажнай” Д.Бат- Эрдэнэд 65 сая ам.доллараар зарсан.

Ийм л түүхтэй “Дүнжингарав” хэдхэн хоногийн өмнө ажил олгогч Монголын сүлжээ сайт www.biznetwork.com -д “00-ийн үйчлэгч ажилд  авна- Нэг сая төгрөгийн цалинтай” хэмээн зарласан байх юм. Дүнжингаравын дугаараас лавлаж асуухад "Энэ зар үнэн, гэхдээ зөвхөн эрэгтэй хүн авъя гэж бодож байгаа" гэлээ.
Өндөр цалинтай ажлын байранд тавигдах шаардлага нь маш энгийн:

•    Ажлын хариуцлага хүлээх, багаар хамтран ажиллах чадвартай байх
•    Хувийн зохион байгуулалт сайтай байх
•    Цэвэрлэгээний ажлыг шаардлагын түвшинд хийж гүйцэтгэдэг байх
•    Ажлын ачаалал даах, илүү цагаар ажиллах боломжтой байх
•    Өмнө нь цэвэрлэгээний ажил хийж байсан дадалтай байх гэжээ.

Мөн “Сонгон шалгаруулалтанд тэнцсэн эхний 20 хүнийг яаралттай ажлын байраар хангана” хэмээн яаруулаад амжсан байна. САЯЫН цалинтай 00-ийн үйлчлэгч хийхийг хүссэн хүн энэ сарын 27-ны өдрөөс өмнө анкетаа явуулах ёстой аж. Мөн дэлгэрэнгүй мэдээллийг 312463, 96998811 дугаар болон hr@dunjingarav.mn хаягаар авах боломжтой хэмээн зарлажээ.

Үнэн бол тийм сайхан газарт 00-ийн үйлчлэгч хийдэг ч юм уу... Эхэн үедээ "Дүнжингарав"-ыг “Өдөрт 150-200 мянган хүнд үйлчлэх хүчин чадалтай, 10 мянган автомашины зогсоолтой, ОХУ, БНХАУ-ын холбосон төмөр замаас салаалсан оролттой, түрээслэгчдийг эд хөрөнгийн болон эрүүл мэндийн даатгалд хамруулна, үүнийгээ дугаад ашиг өндөр” гээд олныг онцлон сурталчилж байсан. Энэ сурагт итгэж лангуу захиалсан хүмүүс гэрээгээ цуцлах болоход түрээслэгчдийн мөнгөнөөс бас л шаггүй хувийг суутгаж авсан. Ингээд бодохоор больдог ч юм уу... гэж эргэлзэх хүн олон байгаа биз.