Жил бүр манай улсад болдог  "Их талын жааз" олон улсын хөгжмийн наадам өнөөдөр эхэлнэ. Энэ удаагийн наадамд Австрали, Швед, Дани, БНСУ, БНХАУ, Франц улсуудаас уран бүтээлчид оролцохоор болжээ. Наадмын нээлт өнөөдөр ДБЭТ-т болох бөгөөд эл арга хэмжээ зургаан өдөр үргэлжлэх юм байна.Зургаа дахь жилдээ болж буй тус наадамд өмнөх жилүүдэд ая дуугаа өргөсөн монгол уран бүтээлчид шинэ санаа, шинэлэг техникээр баялаг дуу, хөгжим туурвиж, цомог ч гарган урын сангаа баяжуулсан билээ. Дашрамд сонирхуулахад энэ удаагийн наадмын нээлтийн тоглолтын тасалбар 30 мянган төгрөг юм.