МАХН-аас Ерөнхийлөгч Ц.Элбэгдорж, Улсын дээд шүүхийн Еерөнхий шүүгч Ц.Зоригт, МУ-ын ерөнхий прокурор Д.Дорлигжав нарт хандан мэдэгдэл гаргалаа.
    МАХН-аас Ерөнхийлөгч Ц.Элбэгдорж, Улсын дээд шүүхийн Еерөнхий шүүгч Ц.Зоригт, МУ-ын ерөнхий прокурор Д.Дорлигжав нарт хандан мэдэгдэл гаргалаа. Уг мэдэгдэлд “Монгол Улсын гуравдахь Ерөнхийлөгч, МАХН-ын дарга, “МАХН-МҮАН-ын Шударга ёс эвсэл”-ийн тэргүүн Н.Энхбаярыг Монголын түүхэнд урьд өмнө хэзээ ч гарч байгаагүй зэрлэг балмадаар баривчилж, улмаар захиалгат зохиомол хэрэг тулган  Сүхбаатар дүүргийн шүүхээс ялласныг Нийслэлийн давж заалдах шатны шүүх хэвээр үлдээсэн” тухай дурьджээ. Мөн энэхүү захиалгат зохиомол хэрэг үүрүүлж ял оногдуулсан нь Монголын нийгмийг цочирдуулж  хууль, шударга ёсыг уландаа гишгэсэн ноцтой үйлдэл боллоо хэмээн үзсэн байна. Тиймээс Монголд шударга ёсыг тогтоож, Намбарын Энхбаярт оногдуулсан захиалгат зохиомол хэргийг нэн даруй хүчингүй болгох тэмцэлд нэгдэхийг улстөрийн бүх хүчин, иргэний хөдөлгөөнүүд болон олон нийтийн байгууллагууд, хүний эрх, эрх чөлөөг  эрхэмлэгч нийт иргэдэд уриалжээ.