Монгол Улсын Засгийн газрын 2012-2016 оны үйл ажиллагааны мөрийн хөтөлбөрт 0-18 насны хүүхэд бүрт сар тутам 20 мянган төгрөг олгохоор тусгасны дагуу Засгийн газрын 2012 оны 9 дүгээр сарын 29-ны өдрийн хуралдаанаас  70-р тогтоол бүхий “ Хүний хөгжил сангаас хүүхдэд мөнгө олгох журам”-ыг баталсан байна. Энэ ажлын хүрээнд 170 гаруй мянган хүүхдэд 59 орчим тэрбум төгрөгийг энэ сарын 20–ноос эхлэн олгохоор болжээ.
    Монгол Улсын Засгийн газрын 2012-2016 оны үйл ажиллагааны мөрийн хөтөлбөрт 0-18 насны хүүхэд бүрт сар тутам 20 мянган төгрөг олгохоор тусгасны дагуу Засгийн газрын 2012 оны 9 дүгээр сарын 29-ны өдрийн хуралдаанаас  70-р тогтоол бүхий “ Хүний хөгжил сангаас хүүхдэд мөнгө олгох журам”-ыг баталсан байна. Энэ ажлын хүрээнд 170 гаруй мянган хүүхдэд 59 орчим тэрбум төгрөгийг энэ сарын 20–ноос эхлэн олгохоор болжээ.
    Хүүхдийн мөнгийн олгохдоо иргэдэд хүндрэл, чирэгдэл багатай байлгах үүднээс Хүн амын хөгжил, нийгмийн хамгааллын яам, Нийгмийн халамж,  үйлчилгээний ерөнхий газар, Улсын бүртгэлийн ерөнхий газар,  Монгол банк, Төрийн сан зэрэг байгууллагуудын хамтарсан ажлын хэсэг ажиллаж,  хүүхдийн мөнгийг  цахим технологи ашиглан хялбар аргаар түгээхээр болсон байна. Тодруулбал, Иргэн та дурын банкинд хүүхдийнхээ нэр дээр данс нээлгэж, тухайн банкны аль ч салбараас хүүхдийн мөнгөө авах боломжтой байхаар зохицуулсан байна. Ингэхдээ эцэг эх, асран хамгаалагч, харгалзан дэмжигч, итгэмжлүүлэгч нь иргэний цахим үнэмлэх, хүүхдийн төрсний гэрчилгээтэйгээ арилжааны банкинд очиж, бүртгэлийн маягт бөглөх юм. Өргөдлийн маягтыг бүх банкны салбарт онлайн хувилбараар тараасан учир элдэв хүндрэл гарахгүй. Улмаар таны бөглөсөн маягтыг үндэслэн хүүхдийн нэр дээр данс нээгдэж  сар бүр тогтмол мөнгө нь орж байх юм. Өөрөөр хэлбэл нэг хүүхэд дээр нэг л данс нээгдэнэ. Олон данс нээлгэсэн тохиолдолд автоматаар программ хасалт хийж, мөнгө олгогдохгүй. Харин хүүхдийн мөнгийг өөрийн харилцах данс, банкны карт, хүүхдийн хадгаламжийн дансанд хийх зэрэг эрх нээлттэй байгааг УИХ-ын гишүүн, Хүн амын хөгжил, нийгмийн хамгааллын сайд С.Эрдэнэ тайлбарлалаа.
    Хүүхдийн мөнгөний дэвтэр хэвлэгдэхгүй, арилжааны банкууд ямар нэгэн суутгал, үйлчилгээний шимтгэл авахгүй зэрэг хэд хэдэн зардлын хэмнэлт хийхээр болсон байна. Хэрвээ хүүхдийн тань мөнгөнөөс  ямар нэгэн шимтгэл авсан бол үүнийг Монгол банк, эвсэл яаманд хандах боломжтой аж.  Харин ирэх оноос банкууд өөрсдийн зардлаар Baby cart буюу хүүхдийн картыг анх удаа хэвлэж, ашиглахаар болсныг ч мөн дуулгалаа.
    Холбогдох газруудаас данс нээлгэсэн талаар бүх мэдээллийг шалгаж, нэрсийг баталгаажуулсны дараагаар Монгол банкнаас арилжааны банкин дахь хүүхэд бүрийн дансанд хүүхдийн мөнгийг шилжүүлэх юм. Хүүхдийн мөнгийг өргөдөл  гаргасан сараас эхэлж олгоно. Энэ сарын мөнгийг авахын тулд эцэг, эхчүүд аравдугаар сарын 15-наас өмнө аль нэг арилжааны банк дээр данс нээлгэх юм байна. Өргөдөл гаргаснаас өмнөх сарын мөнгийг  нөхөж олгохгүй, төсөвт орсон мөнгө хэмнэлт болж сургууль, цэцэрлэг, хүүхдэд зорилсан хөтөлбөр, төв зэргийг байгуулах хөрөнгө болон шилжих ажээ.     Тухайлбал аравдугаар сард амжиж өргөдөл гаргахгүй бол тухайн сарын мөнгийг нөхөж олгохгүй гэсэн үг. Тиймээс эцэг, эхийн хүсэлт гаргасан тэр сараас л хүүхдийн мөнгөний эрх нээгдэх аж. Иргэд сонгосон арилжааны банк дээрээ очиж бүртгэлийн маягт авч бөглөж өгөх бөгөөд тэндээс Халамжийн ерөнхий газарт мэдээллийн бааз үүсгэн Монголбанкинд мэдээллийг ирүүлэх юм байна. Төрийн банкнаас шилжүүлсэн мөнгийг Монголбанк арилжааны банкууд руу шилжүүлэх замаар хүүхдийн мөнгийг олгохоор болсныг Нийгмийн халамж, үйлчилгээний ерөнхий газрын дарга Д.Баярсайхан сануулж байсан. Түүнчлэн уг арга хэмжээ нь хүн амын нөхөн үржихүйн өсөлтийг дэмжсэн төрийн стратегийн томоохон бодлогын тусгал юм.  Тиймээс хүүхдэд төсөвлөгдсөн мөнгийн буцаан татах, өөр зориулалтаар ашиглахгүй байж, Хүүхдийн хөгжлийн сан байгуулах, хүүхдийг хөгжүүлэхэд хөрөнгө оруулалт, бүтээн байгуулалт хийхэд зарцуулах тухай хуульчлахаар ажиллаж буйгаа салбарын сайд онцолсон юм.  
    Харин гадаадад байгаа Монгол улсын иргэн элчин сайдын яамандаа хандан хүүхдийнхээ мөнгийг авах төдийгүй итгэмжлэх бичих боломжтой болж байгаа ажээ. Шүүхийн шийдвэр гүйцэтгэх ерөнхий газар болон асрамжийн газрууд Нийгмийн халамж, үйлчилгээний ерөнхий газартай гэрээ хийж, тухайн хүүхдэд хадгаламж нээхээр журманд тусгасан байна.