УИХ-ын гишүүн Ц.Нямдорж, Х.Баттулга нарын маргааныг өнөөдөр Улсын дээд шүүхийн Иргэний танхимд хэлэлцэж, анхан шатны шүүхээр дахин хэлэлцүүлэхээр боллоо. Анхан болон давж заалдах шатны шүүхээс Ц.Нямдоржийг Х.Баттулга гишүүний нэр төрд халдсан хэмээн Ц.Нямдоржийг Х.Баттулгаас уучлал гуйх шийдвэр гаргаад байсан юм.
    УИХ-ын гишүүн Ц.Нямдорж, Х.Баттулга нарын маргааныг өнөөдөр Улсын дээд шүүхийн Иргэний танхимд хэлэлцэж, анхан шатны шүүхээр дахин хэлэлцүүлэхээр боллоо. Анхан болон давж заалдах шатны шүүхээс Ц.Нямдоржийг Х.Баттулга гишүүний нэр төрд халдсан хэмээн Ц.Нямдоржийг Х.Баттулгаас уучлал гуйх шийдвэр гаргаад байсан юм. Учир нь Хууль зүй, дотоод хэргийн сайд асан Ц.Нямдорж АН хамтарсан Засгийн газраас гараад удаагүй байхад УИХ-ын гишүүн Х.Баттулгыг ЗТБХБ-ын сайд байхдаа солонгос, хятадуудтай төмөр зам барих тухай нууц гэрээ хийсэн хэмээн олон нийтийн мэдээлж байв.
    Гэвч Ц.Нямдорж гишүүн  “Харьяаллараа бол энэ хэрэг Хан-Уул дүүргийн шүүхэд хэлэлцэгдэх хэрэг биш. Би тэр үгийг Засгийн газрын ордонд хэлсэн. Тэгэхээр Х.Баттулга гишүүний хувьд Хан-Уул дүүргийн шүүх найдвартай байсан юм байлгүй. Хуулийн хувьд их хөгийн юм болоод байна. Нийслэлийн шүүхэд давж заалдахад гурван сонингоор дамжуулж уучлал гуй гэсэн. Х.Баттулгаас уучлал гуйлаа гээд надаас юм уначихгүй. Гэхдээ төрийн дампуурал, шүүхийн дампуурал, захиалгат шүүх харагдаж байна. 1997 оны үед М.Энхсайхан Ерөнхий сайд байхад би гүтгүүлсэн гээд 100 мянган төгрөгийн заргаа авч байсан түүхтэй. Ерөнхийдөө Монголын төр, шүүхийн систем дампуураад дууслаа. Тиймээс би Улсын дээд шүүхээр шийдүүлнэ” хэмээж байсан билээ. Харин уг хэргийг Улсын дээд шүүхээс хянан хэлэлцээд, Ц.Нямдорж гишүүн Х.Баттулга сайдын нэр хүндэд халдсан нь батлагдахгүй байна хэмээн дахин анхан шатны шүүхээр хэлэлцүүлэх шийдвэр гаргалаа.