Холбооны эрх зүйн байдлын тухай хууль болон уг хуулийн төсөлд холбогдуулан боловсруулсан бусад хуулийн төслийг хэлэлцэж байна. Энэ үеэр УИХ-ын гишүүн Б.Энх-Амгалан үг хэллээ. Тэрбээр “Энэ хуулийг оруулахдаа та бүхэн улс орныхоо аюулгүй байдал, Үндэсний аюулгүй байдлын үзэл баримтлал, Монгол Улсын төрийн тогтвортой байдлын талаар бодож үзсэн үү?

Их мундаг мөнгө угаах терроризмын тухай тэмцэх яриад байна. Үүнтэй тэмцэх үүргийг Монгол Улсын төр хүлээх ёстой. Төрийн бус байгууллага биш. 21040 төрийн бус байгууллага байна. Түүнээс 406 төрийн бус байгууллага л тайлангаа өгч байна. Үүнээс 8571 төрийн бус байгууллага нь үйл ажиллагаагаа явуулж байна. Түүний 5437 нь огт үйл ажиллагаа явуулахгүй байна. 3340 нь үйл ажиллагаагаа зогсоосон. 63 нь хаяг тодорхойгүй байна. Нийт Төрийн бус байгууллагын 81 хувь нь нийгэмд, 12 хувь нь гишүүдийн төлөө үйлчилж байна. Санхүүжилтийн хувьд 3,8 нь гишүүдээс, 21,4 хувь нь дотоодын хандиваас , 67,7 хувь нь Олон улсын байгууллагын санхүүжилт байна. Гэтэл та бүгд Боловсрол, Эрүүл мэнд төсөл хөтөлбөрийг яагаад нээгээд хаячхаж байгаа юм. Санхүүгийн шууд болон шууд бус боломжийг өргөжүүлэх үүднээс санхүүгийн эх үүсвэрийг Олон улсын санхүүгийн байгууллага,  Монгол улсын болон олон улсын хуулийн этгээд, төрийн байгууллагаас үзүүлж буй дэмжлэг, иргэдийн хандив, төлбөртэй үйл ажиллагаа явуулж олсон орлого зэргээс бүрдүүлнэ гэчихсэн. Энэ нь өнгөт хувьсгал болох эх үүсвэр болдог. Египет, Сири,Украины туршлага бий. Энэ бол гаднаас нь мөнгө оруулж Төрийн байгууллага руу нь хийдэг технологи шүү дээ. Үүнийг бодож үзэх хэрэгтэй. Төрийн бус байгууллага сайн дураар байгуулагдана. Ашгийн төлөө бус, төрөөс хараат бус байна. Гэтэл үүнийг  яагаад татварын үзүүлнэ, хандивлагч байгууллагаас тусламж авна гэсэн байна. Энэ чинь төрийн дэргэд төр бий болох нь хөнгөлөлт байна. Ингэж явбал энэ хууль Монголын төрийн Үндэсний аюулгүйн байдалд бүтэхээргүй зүйл болж байна” гэлээ.

Д.Батчулуун