Засгийн газрын хуралдаанаас гаргасан шийдвэрийг танилцуулж байна. Энэ үеэр Цаг уур орчны шинжилгээний газрын дарга Э.Баттулга дараах мэдээллийг өглөө.
Тэрбээр "Төсвийн тодотголын дагуу 2025 онд манай батлагдсан төсөв 80 тэрбум байсныг 74 тэрбум болгосон. Үүнтэй холбоотойгоор цомхотгол хийсэн. Тухайлбал, Анхан шатны нэгийн ажилтны тоог цөөрүүлэхгүй байх бодлого барьж байгаа. Цаг уурын өртөө, харуулд өөрчлөлт орохгүй. Зарим нэг өртөөг харуул болгож хүний тоог цөөлөх, зарим нэг усны харуулын тоог багасгах шийдвэр гарсан. Мөн удирдах албан тушаалтны тоог цөөлсөн. Цомхотгож буй 171 хүний 63 нь удирдах албан тушаалтан.
Ус цаг уур орчны шинжилгээний байгууллагын дэргэд байгаль орчин хэмжилзүйн лабораториуд ажилладаг. Агаар, хөрс, орчны нөхцөл байдалтай уялдуулан эдгээр лабораториудад өөрчлөлт оруулаагүй" гэв.
