Эрүүл мэндийн сайд Ж.Чинбүрэн СЭМҮТ-ийн үйл ажиллагаатай холбоотой асуудлаар дараах мэдээллийг өглөө. 

Тэрбээр "Хяналт шалгалт хийхэд хэд хэдэн зөрчил илэрсэн. СЭМҮТ төлбөртэй тусламж авсан иргэнд төлбөрийн баримт өгдөггүй. Эрүүл мэндийн байгууллагын данснаас өөр данс руу төлбөр шилжүүлэхийг хориглосон байдаг. Гэтэл үүнийг удаа дараа зөрчсөн байна. Мөн иргэдийг эмнэлэгт хэвтсэн, орны төлбөр төлсөн байхад хэвтээгүй хэмээн бүртгэлийг цуцалдаг. Ийнхүү төлбөрийн данснаас буцаан гаргаж авдаг байна. Энэ их мөнгөө СЭМҮТ-ийн дарга нар ажилчидтайгаа хуйвалдан өөр данс руу авдаг.

Энэ байдал нь 5-аас дээш жил үргэлжилсэн. Урамшуулал шагнал болгож өгөхгүйгээр өөрсдөдөө авчихдаг байна. 

Мөн СЭМҮТ-ийн захирал мэргэжлийн шаардлага хангаагүй хүмүүсийг ажиллуулж, 70.7 сая төгрөгөөр цалинжуулсан байна" гэв. 

Д.Батчулуун