Сургалтын төрийн сангийн зээлээр магистрантур, докторантурт суралцах эрх олгох 2012 оны хоёр дахь удаагийн сонгон шалгаруулалт ШУТИС-ийн байранд боллоо. Төрийн сангийн энэ зээлд жил бүр 100 хүн хамрагдаж байгаа бөгөөд энэ жилийн эхний шалгаруулалт өнгөрсөн хавар болж 70 хүнийг сонгож, тэд сургуульдаа явцгаасан байна. Харин үлдсэн 30 эрхийн төлөө энэ удаад ердөө 20 залуу өрсөлдлөө. Бүртгэлийн хугацааг долоо хоногоор сунгаад ч өрсөлдөгчдийн тоо тоймтой нэмэгдээгүй байна.Сургалтын төрийн сангийн зээлээр магистрантур, докторантурт суралцах эрх олгох 2012 оны хоёр дахь удаагийн сонгон шалгаруулалт ШУТИС-ийн байранд боллоо. Төрийн сангийн энэ зээлд жил бүр 100 хүн хамрагдаж байгаа бөгөөд энэ жилийн эхний шалгаруулалт өнгөрсөн хавар болж 70 хүнийг сонгож, тэд сургуульдаа явцгаасан байна. Харин үлдсэн 30 эрхийн төлөө энэ удаад ердөө 20 залуу өрсөлдлөө. Бүртгэлийн хугацааг долоо хоногоор сунгаад ч өрсөлдөгчдийн тоо тоймтой нэмэгдээгүй байна.Гадаадад магистрантурт сурах нэг хүний зардалд төрөөс 40 сая төгрөгийн зээл олгож, хөрөнгө оруулалт хийж байгаа ийм боломжийг цөөхөн хүн ашиглахаар бүртгүүлсэн нь төр засгийн ажил эзэндээ хүрч чадахгүй байгаагийн илрэл гэдгийг шалгалтын явцтай танилцах үеэрээ Монгол Улсын Ерөнхий сайд Н.Алтанхуяг хэлээд гадаадад суралцахаар явуулах хүүхдүүдээ сонгон шалгаруулдаг явцыг Шинэчлэлийн Засгийн газар ил тод болгоно гэв. Ингэхийн тулд хавар, намрын улиралд сар өдрийг нь зарлаад гадаадад явах хүүхдүүд шалгалт өгдөг тодорхой өдөртэй болгомоор байна гэсэн саналыг хэллээ. Мөн шалгалт авч байгаа явцыг ил тод болгож, хэн, ямар мэргэжлээр хаана сураад, хэзээ эргэж ирж байгааг нь ч тодорхой болгох хэрэгтэй гэж тэрбээр зөвлөлөө.
Засгийн газрын тэргүүн мөн төрийн сангийн зээлд чадвартай л бол хэний ч хүү, охин хамрагддаг нөхцөлийг бүрдүүлэхийн төлөө ажиллахыг Боловсрол, шинжлэх ухааны сайд Л.Гантөмөрт үүрэг болголоо. Ингэхдээ суралцах чиглэл, зорилгыг хөдөлмөрийн зах зээл болоод хөгжлийн бодлоготойгоо уялдуулах шаардлага байгааг хэллээ.
1997 оноос хэрэгжсэн сургалтын төрийн сангийн санхүүжилтэд 1400 гаруй хүн хамрагдаж, Америк, Англи, Австрали, Орос, Япон, Солонгос, Хятад зэрэг дэлхийн 30 гаруй орны нэр хүнд бүхий сургуульд суралцжээ. Өнөөдөр мөрдөгдөж байгаа журмаар бол эх орондоо эргэн ирж, таван жил ажилласны дараа зээлээс чөлөөлөгдөж байгаа юм.
