Балар эрт үед арьсан дээл нөмрөхөөс эхлээд техник технологийн үсрэнгүй хөгжилд хүрсэн 21-р зуунд хүртэл хүн төрлөхтнийг нэгэн айдас зовоосоор иржээ.

Дэлхий ертөнц сөнөх, хүн амьтан үй олноор үхэж үрэгдэх талаарх яриа сүүлийн үед их сонсдох боллоо. Ялангуяа манай монголд. Хүмүүс ч итгэх нь итгэж, хүнс хоолоо базааж, энэ итгэлийн ачаар бүр монгол гэр, тосон лаа хоёрын үнэ тэнгэрт нисч эрэлт ихтэй бүтээгдэхүүн болсон байна.

   Балар эрт үед арьсан дээл нөмрөхөөс эхлээд техник технологийн үсрэнгүй хөгжилд хүрсэн 21-р зуунд хүртэл хүн төрлөхтнийг нэгэн айдас зовоосоор иржээ.

   Дэлхий ертөнц сөнөх, хүн амьтан үй олноор үхэж үрэгдэх талаарх яриа сүүлийн үед их сонсогдох боллоо. Ялангуяа манай Монголд. Хүмүүс ч итгэх нь итгэж, хүнс хоолоо базааж, энэ итгэлийн ачаар бүр монгол гэр, тосон лаа хоёрын үнэ тэнгэрт "нисч" эрэлт ихтэй бүтээгдэхүүн болсон байна.

   Цаг үетэйгээ хөл нийлүүлсэн мэргэжилтнүүд, эрдэмтэд энэ таамаглалыг хичнээн няцаасан ч үлгэр домогт итгэх дуртай нь хүн төрлөхтний зан бололтой.

   МЭӨ 634 онд эртний ромчууд улсаа байгуулагдсанаас хойш 120 жилийн дараа устаж үгүй болно хэмээн таамаглаж байсан нь судар номд дэлхий сөнөх талаар тэмдэглэгдсэн анхны санаануудын нэг байв. Үүнээс хойш ертөнцийн төгсгөл удахгүй ирнэ гэдгийг шууд утгаар хэлсэн, энэ зөнд нийгэм даяараа олон хүн итгэсэн 161 тохиолдол байна. Хүмүүст хамгийн их итгэл төрүүлсэн шилмэл 161 таамаглалаас биелсэн нь нэг ч үгүй.

   Дундад зууны шашны үеийг аргагүй дээ гээд орхиё, харин өөрсдийнхөө эд эсийг хувилж байгаа энэ цаг үед гаргасан, олон түмэн итгэсэн таамаглалуудаас сийрүүлье.

  2000 он гэхэд дэлхийн төгсгөл ирнэ хэмээн зөгнөсөн Хал Линдсей, Жеймс Гордон Линдсей, Тексе Маррс, Тимоти Дуат гэх мэтийн хүмүүс байв. Хал Линдсейн 1994 онд зургаан жилийн дараа дэлхий сөнөх талаар дэлгэрэнгүй өгүүлсэн “Planet Earth 2000” ном нь тухайн үед хамгийн их борлуулагдаж байжээ.

  Эдгээрийн араас 13-р зууны үеийн шашин судлаач Петер Оливин Христийн сүүлийн шүүх 2000 онд болж дэлхий сөнөнө хэмээж байв. Хелена Влаватскийн зөн, Рут Монтогомери, Эдгар Каус, Сун Мьюнг, Эд Давсон, Лестер Сумрелл /2000 онд дэлхий сөнөхийг би мэдэж байна номын зохиогч/ гээд 50 гаруй хүн их л ойролцоо таамаглал дэвшүүлж байв.

Худал зүйлийг мянга хэлбэл үнэн болдог учир тив бүрийн олон хүний зөнд нийгэм ихээр итгэж шинэ зууны сохор итгэлийн алтан үе 2000 он болжээ. 

 Зөвхөн оноор нь биш сар өдөртэй нь ингэж таамаглажээ. 2000 оны 4 сарын 6-нд Жеймс Харместронг дэлхийн төгсгөл ирнэ,
5 сарын 5-нд Нувайбиан Нэйшн од гариг сүйрнэ,
10 сарын 9-нд Грант Жеффри дэлхийн сүүлчийн өдөр болно. Японы зөнч Аум Шинрико 2003 оны 11 сарын 29-нд дэлхий цөмийн дайны улмаас сөнөнө,
Пат Робертсоны 1990 онд бичсэн ном 2007 оны 4 сарын 29 бол дэлхийн сүүлчийн өдөр гэжээ.

Роналд Вэйнланд гэх ичдэггүй нөхөр 2011 оны 9 сарын 29-нд дэлхий сөнөнө хэмээн бичсэнээ бүтэхгүй болохоор нь 2012 оны 5 сарын 27 болгож өөрчилсөн байна.

Харолд Кэмпингийн 2011 оны 5 сарын 21-нд дэлхий сөнөх таамаглал мөн л бүтээгүй тул таван сараар хойшлуулсан ч бас л бүтсэнгүй.