Цагдаагийн байгууллагаас “Олон улсын эмэгтэйчүүдийн эрхийг хамгаалах өдөр”, “Монгол цэргийн өдөр” бүртгэгдсэн гэмт хэргийн нөхцөл байдлын талаар мэдээлэл хийлээ.

Архины хор хөнөөлийг хүүхэд залууст ойлгуулах үүднээс “Зөвийг зөвөлье” арга хэмжээг авч хэрэгжүүллээ. Энэ ажлын хүрээнд гуравдугаар сарын 4-21 өдрийн хооронд бүртгэгдсэн гэмт хэргийн мэдээллийг танилцуулвал.

ЦЕГ-ын Урьдчилан сэргийлэх хэлтэсийн дарга, цагдаагийн хурандаа Б.Баттулга:

Улсын хэмжээнд 2191 гэмт хэрэг бүртгэгдсэн бол, үүнээс согтуугаар үйлдэгдсэн  354 хэрэг байна. Согтуугаар үйлдэгдсэн гэмт хэргийг төрлөөр ангилбал:

- хүнийг алах гэмт хэрэг ес,

- гэр бүлийн хүчирхийлэл тав,

- хүний амь нас бусад байдлаар хохирсон хэрэг 28, Үүнд, осгож нас барсан дөрөв, өөрийгөө боомилсон гурав,  өндөрөөс унасан нэг, архин хордлого зургаа, болон бусад байдлаар 10 хүн нас баржээ.

-нийт 35,015 дуудлага бүртгэгдсэнээс гэр бүл хүчирхийлэлийн дуудлага 3159, согтуугаар жолоодсон 471 хэрэг бүртгэгджээ.

Дээрх хугацаанд 4331 хүн эрүүлжүүлэхдсэнээс  гуравдугаар сарын 8-нд 259 хүн, үүнээс эмэгтэй 20, гуравдугаар сарын 18-нд 288 хүн, эмэгтэй 20 бүртгэгдэж 803 хүнийг ар гэрт нь хүлээлгэн өгсөн байна. Нийт 410 хулгайлах гэмт хэрэг бүртгэгдсэнээс 32 нь согтуугаар үйлдэгдсэн,хүчиндэх хэрэг 24 бүртгэгдсэнээс ес нь согтуугаар үйлдэгдсэн. Дээрэмдэх 26 хэрэг бүртгэгдсэнээс тав нь согтуугаар үйлдэгджээ.

Энэ хугацаанд хамгийн олон давтагдсан гэмт хэрэг нь хүний биед халдсан гэмт хэрэг буюу хөнгөн болон хүнд хэлбэрээр бусдын биед гэмтэл учруулсан 231 хэрэг бүртгэгджээ.

Гуравдугаар сарын 8-ны өдөр Хэнтий аймаг, Чингэлтэй дүүрэгт хүн амины гэмт хэрэг хоёр, гуравдугаар сарын 18-нд Дорнод аймаг, Баянзүрх дүүрэг хүн амины хэрэг хоёр бүртгэгдсэн байна. Гуравдугаар сарын 19-ны 00:38 цагт Баянзүрх дүүргийн 26 дугаар хороо “Чухаг” хотхонд 28 настай эрэгтэй Ж-г  50 настай ээж нь болох М согтуурсан үедээ амь насыг нь хохироосон хэрэг гарсан. Энэ хэргийн мөрдөн шалгах ажиллагааг Баянзүрх дүүргийн нэгдүгээр хэлтэс шалгаж байна