Занданшуулсан шарил буюу мумигаар хамгийн алдартай газар бол Египт. Эртний Египетэд язгууртан хаад, ноёдыг занданшуулдаг байсан лугаа амьтдыг ч бас мөнх байлгах гэж муми болгодог байжээ. Египетийн Кайро хотод байдаг Эртний олдворын музейд язгууртнуудын бунхнаас олсон хэдэн мянган жилийн настай янз бүрийн амьтдын занданшуулсан цогцос байдаг.
МЭӨ 945 оны үед амьдарч байсан хатны булшнаас гарч ирсэн гөрөөс. Судлаачид үүнийг гэрийн тэжээвэр гөрөөс байсан хэмээн таамагласан бөгөөд яг л хүнийх шиг занданшуулж, модон авсанд хийсэн байжээ.
Эртний египетүүд ийм занданшуулсан матрыг шашны зан үйлдээ ашигладаг байжээ. Гэхдээ зөвхөн гадна арьсыг авч үлдэх бөгөөд дотор нь юу ч байдаггүй гэнэ.
Хаад, ноёдыг дараа төрөлдөө очихдоо ид хэмээн бэлдсэн занданшуулсан хоол. Нугасны мах, үхрийн гуя, натроноор хатаасан шөл гэх мэт.
Муу зүйл, хар шидээс хамгаалдаг гэж үздэг муурын занданшуулсан шарил бол хамгийн элбэг олдвор. Муурын дүрстэй модон хайрцаг дотор үнэхээр амьтан байгааг рентген гэрлээр ингэж харжээ.
Гаднаасаа бага зэрэг түлэгдсэн сармагчин мумигаас эрдэмтэд сонин зүйл олжээ. Сармагчингийн гар доор эмэгтэй хүний занданшуулсан гар байжээ. Энэ нь хэн нэгэн язгууртан эмэгтэйгээс үлдсэн цорын ганц эрхтэн тул ийнхүү өвөрмөц байдлаар оршуулсан байж мэднэ.
Анч нохой. Гаднах боолтыг нь авсан энэ муми бараг бүтэн хадгалагдаж үлджээ. Энэ нохой язгууртан айлын тэжээвэр амьтан тул ийнхүү хэдэн мянган жилийн түүхийн одвор болох хувь тохиожээ. Энэ мумиг Египетийн хаадын бунхны цогцолбороос олсон байна.
Хаадын ариун шүтээн гэгддэг алтадсан эр хонины муми хамгийн үнэтэй бас ховор нь. Одоогоор яг ийм муми Египетийн хэмжээнд долоохон ширхэг олдсон байдаг гэнэ.
24tsag.mn
