Өчигдөр Баянгол дүүрэг, III, IV-р хорооллын эцэст байрладаг "Хангай" зочид буудалд 14-18 насны зургаан хүүхэд газ үнэртэж байгаад дэлбэрэлтэнд өртжээ. Энэ үйл явдал шөнийн 03 цагийн орчим болсон бөгөөд буудлын өрөөний хаалга цөмөрсөн байжээ. Ойр орчимд нь байсан иргэд газар хөдөлж байгаа мэт хүчтэй чимээ гарсан гэж мэдүүлсэн аж. Буудлын ажилчид тэр даруйд цагдаагийнхан болон түргэн тусламж дуудсан байна. Тэдний нэг нь эмэгтэй, тав нь эрэгтэй байсан бөгөөд 20-35 хувийн түлэгдэлтэй эмнэлэгт эмчлүүлж байна. Дэлбэрэлтэнд өртсөн хүүхдүүдийн хоёр нь сэхээнд, биеийн байдал нь тааруу байгаа гэж албаны эх сурвалж мэдээллээ.

Т.Гэрэл