Өнгөрсөн бямба гаригийн 12.00 цагийн орчим Хойд болон Өмнөд Солонгосын баруун хойд хилийн бүс MDL-ийг даван Хойд Солонгосын нэгэн цэрэг Өмнөдөд орж ирсэн талаар мэдээлсэн. Тэрээр хоёр улсын хоорондох 500 метр хилийн бүсийг даван Өмнөдийн нутаг дэвсгэр дээр гүйн ирсэн юм. Түүнийг Өмнөдийн талд орж ирсний дараа, хилийн зурвасны ойролцоогоос буудуулсан хоёр хүний цогцсыг холдуулсан нь түүнтэй хамт зугатаж байгаад амиа алдсан хоёр цэрэг аж. Тэд хоёр офицероо буудан амь насыг нь хөнөөн Өмнөдийн хилийг зорьсон гэдгээ мэдэгдээд байгаа юм.
Гэвч хоёр нь замдаа ийнхүү амиа алдсан билээ. Энэ үйл явдалтай холбоотойгоор Хойд Солонгосын талаас ямар нэгэн мэдэгдэл, шаардлагыг огт тавиагүй нь уг мэдээллийг иргэддээ мэдэгдэлгүйгээр нууцлан өнгөрүүлэх гэж байгаа бололтой гэж Өмнөд Солонгосын тал үзэж байгаа аж. Уг цэрэг зугатаан ирсэн Кёнгиду, Пажу дахь Хойд болон Өмнөд Солонгосын хилийн зурвас нь тус 2 улсын эдийн засгийн гол харилцаа болсон Хойд Солонгос дахь Өмнөдийн Кесонгкунгдан үйлдвэрийн районыг холбосон засмал замын дэргэд байрладаг бөгөөд энэ хэсэгтээ 2 улсын хилийн зурвас нь хамгийн богино буюу 500м орчим байдаг юм байна.
Б.Золбоо
Сэтгэгдэл (2)