Сингапурт хэсэг монгол залуус хулгайн хэрэгт холбогдож, шүүх хурлын дүн гараагүй байхад Англид бас л Монголын нүүрийг түлсэн хэрэг гарав. Өнгөрсөн лхагва гаригт Английн Бригтон хотод байрлах, монголчуудын ажиллуулдаг “Говь” барбекю ресторанд энэ хэрэг болжээ.

Сингапурт хэсэг монгол залуус хулгайн хэрэгт холбогдож, шүүх хурлын дүн гараагүй байхад Англид бас л Монголын нүүрийг түлсэн хэрэг гарав. Өнгөрсөн лхагва гаригт Английн Бригтон хотод байрлах, монголчуудын ажиллуулдаг “Говь” барбекю ресторанд энэ хэрэг болжээ.

Улаанбаатарын сүлжээ “Алтай” барбекютэй адил “Говь” ресторанд хэрэглэгчид суурь мөнгөө төлсөн бол цадталаа, хүссэнээсээ идэж өөртөө үйлчилдэг аж. Бүр энэ рестораний онцлог нь 20 доллараа /12 паунд/ төлсөн бол “Чадахаараа л ид” уриатай юм байна.

Гэвч 12 паундаа төлсөн 26 настай Жорж Далмон, 25 настай Энди Майлс гэх хоёр эрхэм ресторанд хэт их идсэний улмаас монгол эзнээр гахай хэмээн дуудуулж, бүх насаараа “Говь”-д орох эрхгүй болжээ.

Жорж Далмон “Тэдний аяга маш жижиг байсан учраас бид таван аягыг идсэн. Бид “Говь” ресторанаар хоёр жилийн турш үйлчлүүлсэн. Гэвч эзэн нь бидэнд дээр ирээд бусад үйлчлүүлэгчийн дэргэд доромжилж эхэлсэн” хэмээн Daily mail сонинд ярьжээ.

Рестораны менежер тэдэн дээр ирээд “Та хоёр гахай миний бизнесийг идчихлээ” хэмээн хэлсэн байна. Хариуд нь Жорж Далмон “Та тоглож байна уу?” гэж асуухад менежер “Манай ресторанд дахиж хэзээ ч орж ирж болохгүй” гэжээ.

Хэргиийн талаар тодруулахаар гадны хэвлэлүүд “Говь”-ийн менежер лүү залгахад нэрээ хэлэхийг хүсээгүй монгол эзэн “Бид буяны байгууллага биш, бизнес эрхэлдэг хүмүүс. Энэ бидний ресторан учраас бид хэнийг битгий ир, хэнийг ир гэж гэж хэлэхээ өөрсдөө мэднэ” хэмээн хариулсан байна.

Telegraph, New York Daily news, CNN, BBC, Daily mail гээд л гадны том гэх бүх хэвлэлүүдэд энэ хэргийн талаар бичжээ.

“Монголын “Говь” ресторан 12 панудаа төлсөн бол манай Вьетнам, Тайланд, Хятад, Энэтхэг, Кариб, Африк, Европ хоолноос хүссэнээрээ ид хэмээн сайтдаа бичсэн байна. Тэдний бардам амлалт хаана байна, Монголчууд үйлчлүүлэгчээ гахай гэж дууджээ, Насан туршдаа ресторандаа орохыг хоригложээ” гэх мэтээр бичсэн байна.

Энэ явдлаас хойш Бригтон хотод монголчуудын “Говь” рестораны нэр хүнд ихээр унасан байна. Жишээлбэл, Үйлчлүүлсэн хүмүүс нь сэтгэгдлээ бичдэг “TripAdviser” буюу “Аялалын зөвлөх” сайтад энэ рестораний талаар 2000 гаруй хүн шүүмжилсэн, буруутгасан сэтгэгдэл үлдээжээ.

Таван аяга хоолны төлөө, хэдэн ногооны төлөө монголчуудын нэр хүндийг унагах хэрэг дахин бүү давтагдаасай.