Архи, тамхины зохисгүй хэрэглээг хязгаарлах, 21-ээс доош насныханд согтууруулах ундаагаар үйлчлэхгүй байх болон холбогдох хууль, тогтоомжид өөрчлөлт оруулах талаар санал боловсруулах үүрэг бүхий ажлын хэсгийг Монгол Улсын Ерөнхий сайдын захирамжаар байгуулсан.
    Архи, тамхины зохисгүй хэрэглээг хязгаарлах, 21-ээс доош насныханд согтууруулах ундаагаар үйлчлэхгүй байх болон холбогдох хууль, тогтоомжид өөрчлөлт оруулах талаар санал боловсруулах үүрэг бүхий ажлын хэсгийг Монгол Улсын Ерөнхий сайдын захирамжаар байгуулсан. Энэ ажлын хүрээнд ажлын хэсгийн ахлагч, Хууль зүйн сайд Х.Тэмүүжин нийслэлийн нутаг дэвсгэрт үйл ажиллагаа явуулж байгаа шөнийн цэнгээний газрын эзэдтэй уулзлаа. Тэрээр уулзалтаар “Хууль зүйн яамнаас шөнийн цэнгээний газруудад стандарт тогтооно. Стандартад зааснаар тухайн цэнгээний газар гадна болон дотор талдаа шаардлага хангасан  камер суурьлуулах, ойр орчмоо гэрэлтүүлэх, хамгаалалтын албатай, эмчилгээний өрөөтэй байх юм. Тавьж буй стандартыг дагаж мөрдвөл үйлчилгээний цагийг сунгах талаар хуульд тусгана. Хэрэв зөрчил дутагдал гаргаж, 21 насанд хүрээгүй хүнд архи худалдаалах буюу түүгээр үйлчилсэн тохиолдолд тусгай зөвшөөрлийг нь хүчингүй болгох хүртэл арга хэмжээ авна” гэдгээ сануулав.